Health Care : सकाळी रिकाम्या पोटी अक्रोड खाण्याचे ‘हे’ आहेत आरोग्यदायी फायदे

Health Care : अक्रोड खाणे हे आपल्या आरोग्यासाठी अतिशय फायदेशीर आहे. अक्रोडचे सेवन केल्याने आपल्या अनेक समस्या दूर होण्यास मदत होते. अक्रोडमध्ये मोठ्या प्रमाणात व्हिटॅमिन्स, मिनरल्स आणि फायबर्स इत्यादी पोषकघटकांचा समावेश आढळून येतो. या पोषकघटकांमुळे मेंदू तल्लख होण्यास मदत होते आणि स्मरणशक्ती ही सुधारते.

विशेष म्हणजे थायरॉईड सारख्या समस्या दूर करण्यासाठी देखील अक्रोड फायदेशीर आहे. सकाळी रिकाम्या पोटी अक्रोडचे सेवन केल्याने तुम्हाला अनेक फायदे मिळू शकतात. कोणते आहेत ते फायदे? चला तर मग जाणून घेऊयात.

हाडांना मिळते बळकटी

जर तुम्ही रोज सकाळी भिजवलेल्या अक्रोडचे रिकाम्या पोटी सेवन केले तर यामुळे, हाडांना बळकटी मिळण्यास मदत होते, तसेच दातांची मजबूती देखील वाढते. अक्रोडमध्ये समाविष्ट असलेले अल्फा लिनोलेनिक हे अ‍ॅसिड हाडांची बळकटी वाढवण्यास मदत करते. त्यामुळे, हाडांना आणि दातांना मजबूत करण्यासाठी नियमितपणे अक्रोडचे सेवन करणे फायदेशीर ठरते. (Bones get stronger)

मधुमेहाला ठेवते नियंत्रित

रोज सकाळी रिकाम्या पोटी अक्रोडचे सेवन केल्यास मधुमेह नियंत्रित ठेवला जाऊ शकतो. खास करून अक्रोडचे रिकाम्या पोटी सेवन केल्याने टाईप-२ डायबिटीजचा धोका कमी होऊ शकतो.

त्यामुळे, मधुमेहाच्या रूग्णांनी आणि टाईप-२ मधुमेह असणाऱ्या व्यक्तींनी रोज सकाळी रिकाम्या पोटी अक्रोडचे सेवन करणे फायद्याचे ठरेल. (diabetes keeps under control)

हृदयाला ठेवते निरोगी

अक्रोडमध्ये आढळून येणाऱ्या पोषकघटकांमध्ये ओमेगा-३ अ‍ॅसिडचा समावेश आढळून येतो. या अ‍ॅसिडमुळे शरीरातील खराब कोलेस्ट्रॉलची पातळी कमी करण्यास मदत होते. त्यामुळे, अक्रोडचे रिकाम्या पोटी सेवन करणे, हे हृदयाचे आरोग्य चांगले ठेवण्यासाठी फायदेशीर आहे. (heart keeps healthy)