Fasting Tips : मधुमेहाच्या रूग्णांनी नवरात्रीच्या उपवासात काय खावे काय खाऊ नये? इथे वाचा सविस्तर

Fasting Tips : नवरात्रीच्या नऊ दिवसांत उपवास करताना काय खावे काय खाऊ नये याबाबत घरातील वरिष्ठ मंडळींची कायम चर्चा चालते. मधुमेहाच्या रूग्णांसाठी तर योग्य आहार फार महत्वाचा आहे. नवरात्रीत बरेच लोक श्रद्धेने उपवास करतात. तुम्हाला मधुमेह असेल तर आणि तुम्हाला नऊ दिवस उपवास करायचे असेल तर तुम्ही या काही गोष्टी खाऊन उपवास करू शकता. शिवाय हे उपवास करताना मधुमेहाच्या रूग्णांनी काय काळजी घ्यावी ते जाणून घेऊया.

ब्लड शुगर कंट्रोलमध्ये ठेवा

ब्लड शुगर कंट्रोलमध्ये ठेवण्यासाठी ग्लुकोज लेव्हल चेक करत राहावी. शिवाय चांगली झोप घ्यावी. ब्लड शुगर कंट्रोलमध्ये ठेवत उपाय व्यवस्थितपणे केला जाऊ शकतो.

काय खावे?

उपवासात सफरचंद, संत्री, पपई यांसारखी फळे खावी. सोबतच शिंगाड्याचे पीठ, शिंगाडे तुम्ही खाऊ शकता.

मधुमेहाच्या रूग्णांनी काय खाऊ नये?

मधुमेहाच्या रूग्णांनी उपवासात गोड फळे खाऊ नये. जसे की केळी, लिची, अननस, चिकू. या सगळ्या फळांमध्ये कार्ब्स आणि नॅचरल शुगरचे प्रमाण जास्त असते. तेव्हा ही फळे खाणे टाळावे.

तळलेले पदार्थ खाऊ नये

उपवासात तयार होणारे बरेच पदार्थ हे तेलाचे किंवा तुपाचे असतात. मात्र मधुमेहाच्या रूग्णांनी हे पदार्थ खाणे टाळावे.

गोड पदार्थ टाळा

मधुमेहाच्या रूग्णांनी गोड पदार्थ कटाक्षाने टाळावे. कमी तेल आणि तुपात बनवलेले पदार्थ ब्लड शुगर कंट्रोलमध्ये ठेवण्यास मदत करतात.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.