![Benefits Of Custard Apple](http://media.assettype.com/esakal%2F2024-05%2Fa1dd69b0-64f1-4036-969c-ace4b86e38ee%2F_________________________________________________2024_05_05T110512_248.jpg?w=480&auto=format%2Ccompress&fit=max)
Benefits Of Custard Apple : निरोगी जीवनशैलीसाठी नियमितपणे व्यायाम करणे आणि संतुलित आहार घेणे अतिशय महत्वाचे आहे. संतुलित आहारामध्ये विविध प्रकारच्या पालेभाज्यांसोबतच फळांचा ही समावेश असणे फायदेशीर ठरते. आपल्याकडे प्रत्येक सिझननुसार विविध प्रकारची फळे मार्केटमध्ये मिळतात. या फळांपैकीच एक असलेले सीताफळ खायला सगळ्यांनाच आवडते.
हे एक प्रकारचे गोड आणि रसाळ फळ आहे. सीताफळामध्ये लोह, कॅल्शिअम, प्रथिने, पोटॅशिअम, व्हिटॅमिन सी आणि व्हिटॅमिन बी इत्यादी पोषकघटकांचे विपुल प्रमाण आढळून येते. सीताफळाचे सेवन केल्याने हृदय निरोगी राहते आणि मधुमेहापासून आराम मिळण्यास मदत होते. आज आपण सीताफळ खाण्याचे आरोग्यदायी फायदे कोणते आहेत? ते जाणून घेणार आहोत.
सीताफळामध्ये मुबलक प्रमाणात फायबर्सचे प्रमाण आढळते. या फायबर्समुळे पचनसंस्था तंदूरूस्त राहते आणि पोटातील गॅस, ॲसिडिटी आणि अपचनाच्या समस्यांपासून आराम मिळतो. ज्या लोकांना बद्धकोष्ठता आणि जुलाबाचा वारंवार त्रास होत असेल तर अशा लोकांनी सीताफळाचे जरूर सेवन करावे.
सीताफळ हे आपल्या डोळ्यांसाठी अतिशय फायदेशीर मानले जाते. सीताफळामध्ये ल्यूटीन नावाचे पोषकतत्व आढळते. हे एक शक्तिशाली अँटिऑक्सिडंट आहे, जे डोळ्यांचा फ्री रॅडिकल्सपासून बचाव करते. त्यामुळे, सीताफळाचे अवश्य सेवन करा आणि हेल्दी राहा.
ज्या लोकांना उच्च रक्तदाबाची समस्या आहे, अशा लोकांसाठी सीताफळ अतिशय लाभदायी आहे. सीताफळामध्ये विपुल प्रमाणात पोटॅशिअम, मॅग्नेशिअम आढळते. जे आपल्या शरीरातील रक्तवाहिन्यांच्या कार्यास प्रोत्साहन देते.
विशेष म्हणजे चवीला जरी हे फळ गोड असले तरी याचा ग्लायसेमिक इंडेक्स हा फार कमी आहे. त्यामुळे, मधुमेह असलेल्या व्यक्ती देखील सीताफळाचे सेवन करू शकतात. परंतु, याचे अतिरिक्त सेवन करणे टाळावे.
सीताफळाचे सेवन केल्याने शरीरातील रक्ताची कमतरता दूर होण्यास देखील मदत होते. ॲनिमियासारख्या समस्येपासून आराम मिळवण्यासाठी सीताफळाचे अवश्य सेवन करावे. सीताफळामध्ये लोहाचे विपुल प्रमाण आढळते. ज्यामुळे अशक्तपणा दूर होण्यास मदत होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.