Benefits Of Paschimottanasan : मधुमेह आणि किडनीच्या रूग्णांसाठी फायदेशीर ठरू शकते पश्चिमोत्तनासन, जाणून घ्या सरावाची पद्धत अन् फायदे

Benefits Of Paschimottanasan : या योगासनाला ‘सीटेड फॉरवर्ड बेंड’ असे ही म्हटले जाते.
Benefits Of Paschimottanasan
Benefits Of Paschimottanasanesakal
Updated on

Benefits Of Paschimottanasan : योगासनांचा नियमितपणे सराव केल्याने आपल्या आरोग्याला चालना मिळते. शरीर निरोगी ठेवण्यासाठी आणि मानसिक आरोग्यासाठी योगासने फायदेशीर ठरतात. योगासनांचे विविध प्रकार आहेत. त्यापैकीच एक असलेले पश्चिमोत्तनासन हे योगासन अतिशय फायदेशीर आहे.

या योगासनाला ‘सीटेड फॉरवर्ड बेंड’ असे ही म्हटले जाते. या योगासनाचा नियमित सराव केल्याने संपूर्ण शरीराचे स्ट्रेचिंग होण्यास तसेच मानसिक आरोग्य उत्तम राहण्यास मदत होते.

विशेष म्हणजे या योगासनामुळे शरीर लवचिक होते. पश्चिमोत्तनासनाचा दररोज सराव केल्याने तुमचे सर्वांगीण आरोग्य उत्तम राखण्यास मदत होऊ शकते. आज आपण हे योगासन करण्याची योग्य पद्धत आणि फायदे कोणते आहेत? ते जाणून घेणार आहोत.

Benefits Of Paschimottanasan
Benefits of Chakrasana : डोळ्यांची दृष्टी, कंबरदुखी आणि बरंच काही! 'हे' योगासन करेल आजारांची सुट्टी

पश्चिमोत्तनासन करण्याची योग्य पद्धत खालीलप्रमाणे

  • हे योगासन करण्यासाठी तुम्हाला परिपक्वता आवश्यक आहे. जर हे योगासन तुम्ही पहिल्यांदाच करत असाल तर, योगातज्ज्ञाची अवश्य मदत घ्या.

  • पश्चिमोत्तनासनाचा सराव हा सुरूवातीला तुम्हाला थोडा कठीण वाटू शकतो. परंतु, हळूहळू याचा सराव वाढवल्यास तुम्ही यात परिपक्व होऊ शकाल.

  • या योगासनाचा सराव करण्यासाठी सर्वात आधी योगा मॅटवर दोन्ही पाय पसरून जमिनीवर बसा.

  • त्यानंतर, एक दीर्घ श्वास घ्या आणि तुमचे शरीर हळूहळू पुढे वाकवा.

  • आता तुमच्या पायाच्या बोटांना दोन्ही हातांनी स्पर्श करण्याचा प्रयत्न करा.

  • या स्थितीमध्ये तुमचे दोन्ही गुडघे ताठ असायला हवेत.

  • आता काही सेकंद या स्थितीमध्ये राहिल्यानंतर तुम्हाला शरीरात ताण जाणवेल.

  • त्यानंतर, तुम्ही सामान्य स्थितीमध्ये या.

पश्चिमोत्तनासनाचे फायदे

  • पश्चिमोत्तनासनाचा नियमितपणे सराव केल्याने पचनक्षमता सुधारण्यास मदत होते.

  • यासोबतच मधुमेहाच्या रूग्णांसाठी आणि यकृत किडनीच्या रूग्णांसाठी हे योगासन फायदेशीर मानले जाते.

  • मासिक पाळीच्या समस्यांपासून सुटका करण्यासाठी या योगासनाचा सराव फायदेशीर ठरू शकतो.

  • दररोज या योगासनाचा सराव केल्याने मेंदूचे आरोग्य सुधारते आणि चिंता-तणाव कमी करण्यास मदत होते.

  • शरीराच्या टोनिंगसाठी या योगासनाचा सराव लाभदायी आहे.

  • पोटाच्या समस्या जसे की, गॅसेस, बद्धकोष्ठता आणि अपचन यांसारख्या समस्यांसाठी हे योगासन उपयुक्त आहे.

Benefits Of Paschimottanasan
Benefits of Bhujangasana : पाठीचा कणा ताठ हवा? मग, दररोज करा भूजंगासन, जाणून घ्या पद्धत अन् फायदे

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.