Benefits of Soaked Peanuts : भिजवलेले शेंगदाणे आरोग्यासाठी आहेत लाभदायी, जाणून घ्या फायदे

Benefits of Soaked Peanuts : प्रत्येकाचे मॉर्निंग रूटीन हे वेगवेगळ्या प्रकारचे असते. कुणाला सकाळची सुरूवात ही भिजवलेले ड्रायफ्रूट्स खाऊन करायला आवडते, तर कुणाला मोड आलेल्या कडधान्यांचे सॅलेड खायला आवडते. हेल्दी ड्रिंक्स, फळे किंवा ग्रीन टीने काहींची सकाळ होते.

शेंगदाण्यांमध्ये मोठ्या प्रमाणात पौष्टिक घटकांचा समावेश आढळून येतो. स्वयंपाक घरात अनेक भाज्यांमध्ये, विविध प्रकारच्या रेसिपीजमध्ये शेंगदाण्यांचा वापर आपण करतो. इतकचं काय, शेंगदाण्याचे लाडू देखील बनवले जातात.

परंतु, तुम्हाला हे माहित आहे का? भिजवलेले शेंगदाणे खाण्याचे अनेक फायदे आपल्या आरोग्याला होतात. कोणते आहेत हे फायदे? चला तर मग जाणून घेऊयात.

भिजवलेले शेंगदाणे खाण्याचे फायदे खालीलप्रमाणे :

गॅस आणि अ‍ॅसिडिटीपासून मिळतो आराम

शेंगदाण्यामध्ये मोठ्या प्रमाणात लोह, मॅंगनिज, कॉपर, कॅल्शिअम आणि सेलेनियम सारखे घटक आढळून येतात. त्यामुळे, रिकाम्या पोटी भिजवलेले शेंगदाणे खाल्ल्याने गॅस आणि अ‍ॅसिडिटीपासून आराम मिळण्यास मदत होते.

त्यामुळे, ज्या लोकांना गॅस आणि अ‍ॅसिडिटीच्या समस्येचा नेहमी त्रास होतो, अशा लोकांनी आवर्जून रात्री झोपताना १०-१२ शेंगदाणे पाण्यात भिजत घालावेत. त्यानंतर, दुसऱ्या दिवशी सकाळी रिकाम्या पोटी या शेंगदाण्यांचे सेवन करावे.

पाठीचे दुखणे होते कमी

ज्यांना पाठदुखीचा त्रास आहे, अशा लोकांनी पाठदुखीवर आराम मिळवण्यासाठी नियमितपणे भिजवलेल्या शेंगदाण्यांसोबत गुळाचे सेवन अवश्य करायला हवे. शेंगदाण्यांसोबत गुळ देखील आरोग्यासाठी अतिशय फायदेशीर आहे.

पचनक्षमता सुधारते

शेंगदाण्यांमध्ये पोषकघटकांचे मुबलक प्रमाण आढळून येते. फायबर्सचा ही मोठ्या प्रमाणात समावेश शेंगदाण्यांमध्ये आढळून येतो. या फायबर्समुळे आपल्या शरीराची पचनक्षमता सुरळीत होण्यास मदत होते. त्यामुळे, ज्या लोकांना पचनाची समस्या आहे. अशा लोकांनी सकाळी रिकाम्या पोटी भिजवलेल्या शेंगदाण्यांचे जरूर सेवन करावे.

खोकल्यामध्ये फायदेशीर

हो तुम्ही वाचलं ते खरं आहे. भिजवलेले शेंगदाणे रिकाम्या पोटी खाल्ल्यावर तुम्हाला खोकल्यापासून आराम मिळू शकतो. तसेच, तुमचे खोकल्याचे इंन्फेक्शन देखील यामुळे थांबू शकते.

भिजवलेल्या शेंगदाण्यांमध्ये भरपूर फायबर्स असल्यामुळे, आपली रोगप्रतिकारक क्षमता मजबूत होते.