Health : Acidityवर औषधं घेताय? सावधान! आहे कँसरचा धोका

Acidity : सध्याच्या धावपळीच्या जीवनशैलीत जेवणाच्या, झोपण्याच्या वेळा नियमित नसणे, सतत ताणाखाली वावरणे यामुळे Acidity हा खूप सामान्य आजार झाला आहे. सहजच कोणीही Acidity वाढली असं सांगतात. मेडिकलवर जाऊन Acidityची गोळी घेऊन खातात. पण हा आजार अवढ्या सहजरित्या घेण्याचा नाही. डॉक्टरांच्या सल्ल्याशिवाय घेतल्या जाणाऱ्या या औषधांमुळे कँसरचा धोका संभवतो.

ॲसिडिटीसारख्या लहान मोठ्या आजारांवर तुम्ही घरच्या घरी उपचार घेत असाल, तर सावधान. कारण ॲसिडिटी कमी करण्यासाठी तुम्ही घेत असलेल्या औषधांमुळं तुम्हाला जीवघेणा कॅन्सर होऊ शकतो. अशाप्रकारच्या तब्बल २६ औषधांवर केंद्र सरकारनं बंदी घातली आहे. जीवनावश्यक औषधांच्या यादीतून ही २६ औषधं वगळण्याचा निर्णय केंद्र सरकारनं घेतला आहे.

रॅनिटिडीन हे त्यापैकीच एक औषध. ॲसिडिटीसाठी ते सर्रास वापरलं जातं. २०१९ साली अमेरिकेनं त्यावर बंदी घातली, तेव्हापासून भारतातही त्याची काटेकोर पडताळणी सुरू होती. या औषधामध्ये कॅन्सर निर्माण करणाऱ्या एन नायट्रोसोडीमिथाइलमाइनचं प्रमाण धोकादायक पातळीपेक्षा अधिक आढळलं.

त्यामुळं तुम्ही देखील आता काळजी घ्या. ॲसिडिटीचा त्रास असेल तर नेमकी कोणती औषधं घ्यायची, याबाबत डॉक्टरांचा सल्ला घ्या. नाहीतर तुमचा निष्काळजीपणा जीवघेणा ठरू शकतो.

कॅन्सर वाढवणाऱ्या २६ औषधांवर बंदी घातली त्यापैकी काही

• रॅनिटिडीन (Ranitidine)

• अल्टेप्लेस (Alteplase)

• एटेनोलोल (Atenolol)

• ब्लिचिंग पाउडर (Bleaching Powder)

• कॅप्रोमाइसिन (Capreomycin)

• सेट्रिमाइड (Cetrimide)

अशा तब्बल २६ औषधांवर केंद्रानं बंदी घातली आहे.