Health Tips : तुम्ही फ्रीजमध्ये ठेवलेली अंडी रोज खाता आहात? होऊ शकतं तुमच्या शरीराचे हे नुकसान

पृथ्वीवरील सर्वात पौष्टिक पदार्थांमध्ये अंड्यांची गणना केली जाते. एका अंड्यामध्ये भरपूर पोषक घटक असतात. मात्र. त्याच वेळी, अंडी खाण्याचे फायदे आणि तोटे याबद्दल बऱ्याच काळापासून वाद आहेत. अंडी हृदयासाठी चांगली नसल्याचा दावाही अनेकदा करण्यात आला आहे. परंतु, यासंदर्भात नेमका पुरावा अद्याप मिळालेला नाही.

आजकाल जगभरातील डॉक्टर लोकांना आहारात अंड्यांचा समावेश करण्यास सांगतात. त्यासाठी, रोज एक किंवा दोन अंडी खाणे अगदी योग्य असल्याचे तज्ज्ञांचे म्हणणे आहे. प्रथिनांनी युक्त असलेले अंडे आरोग्यासाठी खूप फायदेशीर मानले जाते. पण फ्रीजमध्ये ठेवलेल्या अंड्यांबद्दलही असंच म्हणता येईल का? फ्रीजमध्ये ठेवलेली अंडी तुमच्या आरोग्यासाठी बाहेर ठेवलेल्या अंड्यांइतकीच फायदेशीर आहेत का? उत्तर बहुतेक लोकांना निराश करू शकते. चला तर मग आजच्या लेखात जाणून घेऊया फ्रीजमध्ये ठेवलेली अंडी का खाऊ नयेत याविषयीची सविस्तर माहिती...

Egg Storage : हिवाळ्यात अंडी खाल्ल्याने आरोग्याला फायदा होतो. कारण त्यात प्रोटीन, कॅल्शियम आणि ओमेगा 3 फॅटी अॅसिड असतात, पण रेफ्रिजरेटरमध्ये ठेवल्याने हे गुणधर्म नष्ट होतात. बर्‍याचदा लोकांना वाटते की अंडी फ्रीजमध्ये ठेवल्याने ती सुरक्षित राहते, पण तसे नाही. अंड्यातील प्रथिने, कॅल्शियम आणि ओमेगा 3 फॅटी अॅसिड फ्रीजमध्ये ठेवल्याने नष्ट होतात.

अंडी फ्रिजमध्ये ठेवल्याने ताजी राहते. परंतु कमी तापमानामुळे त्यातील पोषक तत्वे नष्ट होतात. त्यामुळे त्यांची खरी चवही संपते. साल्मोनेला बॅक्टेरियाची वाढ रोखण्यासाठी अंडी योग्य तापमानात साठवून ठेवावीत. साल्मोनेला बॅक्टेरिया अंडी बाहेरून आणि अंतर्गत दोन्ही दूषित करू शकतात. अंडी फ्रीजमध्ये ठेवल्याने त्यावरील बॅक्टेरियाही वाढू शकतात. अशा स्थितीत ते अंड्याच्या आतही शिरण्याची शक्यता असते.

फ्रीज मध्ये ठेवलेली अंडी उकळल्यानंतर बहुतेक अंडी लगेच फुटतात. त्यामुळे फ्रिजमधून बाहेर काढल्यानंतर जर अंडे उकळायचे असेल तर आधी ते खोलीत काही वेळ उघडे ठेवा, जेणेकरून त्याचे तापमान सामान्य होईल, तरच तुम्ही ते उकळण्यासाठी ठेवा. कधी कधी अंड्याच्या वरच्या भागावर घाण राहिली तर ती फ्रीजमधील इतर गोष्टींनाही संक्रमित करू शकते.