Weight Loss Tips शरीर सुडौल व आरोग्य निरोगी राहावे, यासाठी डाएट व वर्कआऊट या दोन्ही गोष्टी महत्त्वाच्या आहेत. पौष्टिक पदार्थांचे सेवन न केल्यास शरीरात विषारी घटक जमा होऊ लागतात आणि यामुळे वजन वाढण्याची शक्यता असते.
ही समस्या टाळायची असेल तर डाएटमध्ये या औषधी बियांचा समावेश नक्की करून पाहा. या बिया तुमच्या किचनमध्ये सहजासहजी आढळतील देखील; या बिया म्हणजे धणे. धण्यांमध्ये कित्येक खनिजे आणि अँटी-ऑक्सिडंट्सचा साठा आहे.
शिवाय यामध्ये अँटी- इंफ्लेमेटरी गुणधर्म देखील आहेत. या बियांचे पाणी प्यायलात तर पचनसंस्थेचं कार्य सुरळीत होण्यास मदत मिळू शकते. धण्यांपासून वेटलॉस ड्रिंक कसे तयार करायचे? याबद्दल सविस्तर माहिती जाणून घेऊया.
धणे - अर्धा चमचा
पाणी - एक ग्लास
रात्री झोपण्यापूर्वी ग्लासभर पाण्यात धणे भिजत ठेवा. सकाळी उठल्यानंतर हे पाणी थोडेसे गरम करावे, उकळू नये. रिकाम्या पोटी हे पाणी प्यावे.
धण्याचे पाणी प्यायल्यास शरीराच्या पचनप्रक्रियेशी संबंधित सर्व समस्या दूर होतात. याव्यतिरिक्त चयापचयाची क्षमता देखील सुधारते.
धण्याचे पाणी प्यायल्यास शरीर नैसर्गिकरित्या डिटॉक्स होण्यास मदत मिळते. हे डिटॉक्स वॉटर प्यायल्यास शरीरातील अतिरिक्त फॅट्स आणि विषारी घटक कमी होऊ शकतात. तज्ज्ञांच्या सल्ल्यानुसार आपण हे पाणी प्यायलात तर काही दिवसांतच तुम्हाला तुमच्या शरीरात फरक जाणवेल. यासोबत काही साध्यासोप्या व्यायामांचाही सराव करावा.
धण्याच्या पाण्याद्वारे शरीराला व्हिटॅमिन के, व्हिटॅमिन सी आणि व्हिटॅमिन ए या पोषणतत्त्वांचा पुरवठा होतो. ज्यामुळे केसांच्या आरोग्यास अगणित लाभ मिळतात. यामुळे केसगळतीची समस्या देखील कमी होते.
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
