Healthy Food : हिवाळ्यात आजारी पडण्यापासून वाचवेल गुळाची चिक्की, घरी बनवायलाही आहे सोप्पी

Healthy Food :

हिवाळ्यात उष्ण स्वभावाचे पदार्थ जास्त प्रमाणात खाल्ले जातात. कारण ते शरीरात उष्णता टिकवून ठेवतात आणि रोगप्रतिकारक शक्ती देखील मजबूत करतात. गुळापासून बनवलेल्या गोष्टी हिवाळ्यात खूप खाल्ल्या जातात. जसे गुळाचे लाडू, गुळाची खीर, शिरा किंवा गुळाची चिक्की.

हिवाळ्यात गुळाची चिक्कीही भरपूर खाल्ली जाते. शेंगदाणे आणि गूळ यांच्या मिश्रणातून तयार केलेला हा पदार्थ आरोग्यासाठीही फायदेशीर आहे. चला तर मग जाणून घेऊया गुळाच्या चिक्कीचे फायदे आणि ती कशी बनवायची हे पाहुयात.

गुळाची चिक्की खाण्याचे फायदे

पचनासाठी फायदेशीर

हिवाळ्यात पचनाच्या समस्या अधिक होतात. गूळ आणि शेंगदाणे दोन्ही पचन सुधारण्यास मदत करतात. अशा परिस्थितीत गुळाची चिक्की खाणे फायदेशीर ठरू शकते. जेवणानंतर किंवा स्नॅकच्या वेळी तुम्ही गुळाच्या चिक्कीचा आस्वाद घेऊ शकता.

वजन कमी करण्यास मदत करते

गुळाच्या चिक्कीत कॅलरीजचे प्रमाण कमी असते. याचे सेवन केल्याने तुम्हाला जास्त वेळ भूक लागत नाही, ज्यामुळे तुम्ही पुढील जेवणात कमी कॅलरी वापरता. तुम्ही तुमच्या स्नॅकच्या वेळेत याचा आनंद घेऊ शकता, ते तुमच्या अन्नाची लालसा नियंत्रणात ठेवण्यासाठी देखील उपयुक्त ठरू शकते.

प्रतिकारशक्ती मजबूत ठेवा

गुळाची चिक्की खाल्ल्याने तुमची प्रतिकारशक्ती मजबूत होते. गूळ आणि शेंगदाणे हे दोन्ही पदार्थ उष्ण असतात. तसेच, शेंगदाण्यामध्ये असलेले हेल्दी फॅट्स रोगप्रतिकार शक्ती मजबूत करण्यास मदत करतात. यामुळे तुम्हाला वारंवार आजारी पडण्याचा धोका नाही.

शरीराला डिटॉक्सिफाइड करते

गुळातील आवश्यक पोषक तत्व शरीराला डिटॉक्स करण्यास आणि रक्त शुद्ध करण्यास मदत करतात. हे हिमोग्लोबिन पातळी सुधारण्यास आणि अशक्तपणा कमी करण्यास मदत करते. त्यामुळे रक्त डिटॉक्स करण्यासाठी गुळाची चिक्की हा एक चांगला पर्याय आहे.

अशा प्रकारे हिवाळ्यात गुळाची चिक्की तुमच्यासाठी पॉवर पॅक ठरू शकते. आता गुळाची चिक्की कशी बनवायची ते जाणून घेऊया.

गुळाच्या चिक्कीची रेसिपी

साहित्य

• शेंगदाणे - 3 कप

• देशी तूप- गरजेनुसार

• गूळ - 200 ग्रॅम

• पाणी - गरजेनुसार

• वेलची- ७-८

कृती

1. सर्वप्रथम शेंगदाणे सोलून तुपात भाजून घ्या. जास्त भाजू नका,हे लक्षात ठेवा, नाहीतर चिक्की कडू होईल.

2. आता कढईत गूळ वितळवून पाक तयार करा. त्यात थोडे गरम पाणी टाकत राहा म्हणजे पाक चिकटणार नाही.

3. आता त्यात शेंगदाणे टाका आणि मिश्रण चांगले तयार करा. त्यात वेलचीही घाला.

4. आता एका प्लेटमध्ये थंड करून त्याचे आकार कापून चिक्की तयार करा.