Benefits Of Sukhasana : मानसिक आणि शारिरीक आरोग्यासाठी नियमितपणे योगा करणे फायदेशीर आहे. आरोग्याच्या विविध समस्या दूर करण्यासाठी तुम्ही वेगवेगळ्या प्रकारच्या योगासनांचा आधार घेऊ शकता. फक्त यासाठी योगासनांचा दररोज सराव करणे महत्वाचे आहे. जर तुम्ही योगा कधी केला नसेल, तर सुरूवातीला सोप्या आसनांचा सराव करा.
या सोप्या आसनांपैकी एक असलेले योगासन म्हणजे सुखासन होय. सुखासनाला साधे सोपे योगासन असे ही म्हटले जाते. सुखासन म्हणजे आरामात बसणे होय. सुखासन हे योगासन कोणत्याही वयोगटातील व्यक्ती करू शकते. या आसनाचा नियमितपणे सराव केल्याने गुडघे आणि घोट्यांवर ताण येतो आणि पाठीला बळकटी मिळते. चला तर मग जाणून घेऊयात सुखासन करण्याची योग्य पद्धत अन् फायदे.
सुखासन हे योगासन करण्यासाठी सर्वात आधी योगा मॅटवर पाय पसरून बसा.
या दरम्यान पाठीचा कणा ताठ असायला हवा.
आता तुमच्या पायांचे दोन्ही गुडघे एकमेकांमध्ये गुंतवा. या स्थितीमध्ये तुमचे दोन्ही गुडघे बाहेरच्या बाजूला असायला हवेत.
आता तुमच्या दोन्ही पायांना आरामदायक वाटेल अशा स्थितीमध्ये ताठ बसा.
या स्थितीमध्ये तुमची पाठ, मान आणि डोके सरळ रेषेत आणि ताठ असायला हवेत.
आता डोळे बंद करून दीर्घश्वास घ्या आणि काही मिनिटे याच स्थितीमध्ये राहा.
या योगासनाचा नियमितपणे सराव केल्याने शरीर अन् मेंदू शांत आणि स्थिर राहण्यास मदत होते.
मानसिक आणि शारिरीक संतुलनासाठी हे योगासन फायदेशीर आहे.
या योगासनाचा नियमित सराव केल्याने पाठीचा कणा बळकट होण्यास मदत होते.
सुखासनाचा दररोज सराव केल्याने थकवा, तणाव, चिंता आणि नैराश्य दूर होण्यास मदत होते.
जर तुम्ही दररोज या योगासनाचा सराव केला तर तुमचे मानसिक आरोग्य उत्तम राहील यात काही शंका नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
