Video: मावा, तूप, मिठाई खाऊन पडू शकता आजारी, घरी 'अशा' पद्धतीने ओळखा भेसळयुक्त पदार्थ

Festival Sweet Dishes : सध्या सणासुदीचे दिवस सुरू झाले आहेत. यामुळे अनेक घरात गोड पदार्थ बनवले जातात तर काही लोक बाजारातून मिठाई विकत आणतात. जर तुम्ही बाजारातून आणलेली मिठाई खात असाल तर वेळीच सावध व्हा. कारण बाजारातील मिठाई खाऊन तुम्ही आजारी पडू शकता. बाजारात पैसे कमवण्यासाठी भेसळयुक्त मिठाई विक्री केली जात आहे. त्यामुळे तुमचे आरोग्य धाक्यात येऊ शकते. मिठाईमधील भेसळ कशी ओळखावी आणि हे जाणून घेऊया.

तुप, मावा मिठाईत सर्रास भेसळ होत आहे. चवीचवीने मीठाई खात असाल तर आरोग्यासंबंधित समस्या निर्माण होऊ शकतात. मावा, तुपात कशी भेसळ केली जाते हे जाणून घेऊया.

भेसळयुक्त माव्यात कोणते पदार्थ असतात?

टॅल्कम पावडर

चुना

खडू

पांढरे रसायन

नकली मावा कसा बनवतात?

नकली मावा बनवण्यासाठी दुधात यरिया, डिटर्जंट पावड मिक्स करतात.

तुपात भेसळ कशी केली जाते?

निकृष्ट दर्जाचे तूप, शुद्ध तेल, पाणी आणि शुदध दूध एकत्र मिसळतात. बनावट तुपातील साधं वनस्पती तेल, पाम तेल वापरले जाते. तसेच तूप आकर्षक बनवण्यासाठी कृत्रिम रंग आणि सुगंध टाकला जातो.

पुढील आजार उद्भवतात

निकृष्ट साहित्य वापरून मावा, मिठाई बनवली जात असल्याने कमी किंमतीत विकले जाते. भेसळयुक्त मिठाई खाल्याने पुढील गंभीर आजार होऊ शकतात.

• नकली तूप खाल्याने हृदयविकाराचा झटका येऊ शकतो.

• लिव्हर खराब होऊ शकते.

• अचपन आणि अॅसिडिटीचा त्रास होऊ शकतो.

• महिलांमध्ये गर्भपात होण्याचा धोका वाढतो.

• कॅन्सरसारखा गंभीर आजार देखील होऊ शकतो.

तुपातील भेसळ कशी ओळखाल?

एक चमचा तूप घेऊन ते एका काचेच्या ग्लासमध्ये ओतावे. नंतर त्यात आयोडीनचे एक किंवा दोन थेंब टाका. तूपात भेसळ असल्यास रंग लगेच बदलतो. त्यामुळे तुम्ही बाजारातून मावा, तूप मिठाई आणत असाल तर अशा पद्धतीने भेसळ घरीच ओळखू शकता आणि सणसुदीच्या काळात निरोगी राहू शकता.