Garlic Use In Summer : उन्हाळ्यात लसणाचा वापर करावा का? तज्ज्ञ सांगतात वापराचे फायदे तोटे

Garlic Use In Summer : आयुर्वेदात लसणाचे अनेक फायदे सांगितले आहेत. यामुळे जेवणाची निश्तितच वाढते, पण त्यात अनेक औषधी गुणधर्मही असतात, जे आपल्या शरीराला तंदुरुस्त ठेवण्यास मदत करतात. त्यात व्हिटॅमिन ए, बी, सी तसेच सल्फ्यूरिक अॅसिड, लोह, कार्ब्स, फॅट आणि प्रोटीन आढळतात. ज्याच्या सेवनाने संसर्गाचा धोकाही कमी होतो.

यासोबतच लसूण शरीराचे तापमान नियंत्रित ठेवण्याचे काम करते. लसूण शरीरासाठी फायदेशीर आहे असे अनेक लोक मानतात पण उन्हाळ्यात ते खाऊ नये असेही म्हटले जाते. मात्र हे कितपत खरं आहे? यावर आरोग्य तज्ज्ञांचे काय म्हणणे आहे जाणून घ्या.

सर्दी खोकला लवकर बरा होतो

सगळ्यात आधी आपण लसणाचे फायदे जाणून घेऊया

लसणाच्या सेवनाने बऱ्याच काळापासून असलेली सर्दी, फुफ्फसांमधील दुखणे, निमोनिया आणि अस्थमा यांच्यासारख्या समस्यांतून मुक्ती मिळते. तेव्हा निरोगी आरोग्यासाठी सकाळच्या नित्यक्रिया आटोपून रिकाम्या पोटी रोज एक लसणाची कळी खावी. (Garlic)

उन्हाळ्यात लसूण खावे का?

आता येतो लसूण उन्हाळ्यात खावा की नाही असा प्रश्न ज्यांना पडतो त्यांच्यासाठी महत्वाचे

तर लसूण तुम्ही उन्हाळ्यात खाऊ शकता. आरोग्य तज्ज्ञांच्या मते, उन्हाळ्यात लसूण खाण्यास हरकत नाही पण त्याचे प्रमाण कमी केले पाहिजे. वास्तविक, लसणाचा प्रभाव गरम असतो. अशा स्थितीत लसूण जास्त प्रमाणात खाल्ल्याने अॅलर्जी किंवा पोटाशी संबंधित समस्या उद्भवू शकतात. त्यात अॅलिसिन नावाचा घटक आढळतो, ज्यामुळे यकृताला गंभीर नुकसान होऊ शकते. (Health)

डिस्क्लेमर - वरील लेख सामान्य माहितीवर आधारित असून सकाळ समुह याची पुष्टी करत नाही.