कृतिशीलतेचा अभाव

गेल्या आठवड्यात Avoidant Personality Disorder असलेले हेमंत आणि आशिष यांची उदाहरणं बघितली. आता या डिसॉर्डरबाबतची लक्षणं आणि उपचार बघूया. या डिसॉर्डरमध्ये पुढीलपैकी लक्षणं आढळतात.

• आपल्याला नाकारलं जाईल, टीका होईल या भीतीनं नोकरी- व्यवसाय करणं टाळलं जातं.

• विशिष्ट आवडत्या परिचित व्यक्ती सोडून इतरांशी संबंध टाळला जातो.

• टिंगल होईल, नाकारलं जाईल या भीतीनं नवीन नातं जोडणं, प्रेम व्यक्त करणं या गोष्टी टाळल्या जातात. सार्वजनिक समारंभ टाळले जातात.

• इतरांपेक्षा सर्वार्थानं कमी असल्याची भावना मनात रुजलेली असते. कुठलीही जोखीम घेण्याची तयारीच नसते.

• अत्यंत दुर्बल आत्मप्रतिमा. आत्मविश्वासाचा अभाव आढळतो.