मन अन् शरीरालाही करा प्रसन्न

आपलं आरोग्य चांगलं असेल, तरच आपण आपली कामं चांगली करू शकतो. त्यामुळे शारीरिक आणि मानसिक आरोग्य सुदृढ राहण्यासाठी मी कायम तत्पर असते. विविध प्रोजेक्ट्स आणि चित्रपटांच्या चित्रीकरणामुळे मला नेहमी बाहेर राहावं लागतं. प्रत्येक ठिकाणी जिम असेलच असं नाही, त्यामुळे जेव्हा वेळ मिळेल तेव्हा मी जिम करते..स्किपिंग, स्विमिंग आणि सायकलिंग मी नेहमीच करते. ज्या-ज्या माध्यमातून मला व्यायाम करता येईल, त्यानुसार करत असते. मी तायक्वांदो खेळाडू आहे. त्यामुळे हेवी वर्कआउट करते. शाळेमध्ये मी विविध खेळांमध्ये सहभागी होत असे; तसंच कराटेही केलेले आहेत. त्यामुळे फिटनेसला मी कायमच प्राधान्य देते.जिमबरोबरच प्राणायाम आणि योगासनेही करत असते. ध्यानधारणा खूपच महत्त्वाची आहे. त्यामुळे आपलं मानसिक आरोग्य सुदृढ राहतं. मानसिक आणि शारीरिकदृष्ट्या तंदुरुस्त राहण्यासाठी नृत्य करण्यालाही प्राधान्य देते. नृत्याची रिहर्सल नेहमीच सुरू असते, मी झुंबा नृत्यही करते. नृत्यामुळे आपल्या शरीरातील नकारात्मकता निघून जाते. मानसिक ताणतणाव कमी होतो..आपलं शरीर जड पडलं असेल, तर त्यासाठी नृत्य हा रामबाण उपाय आहे. अनेकदा विमान किंवा मोटारीतून खूप प्रवास होतो. चित्रीकरणही बारा ते चौदा तास होते. अनेकदा रात्रीच्या वेळीही चित्रीकरण असते. परिणामी, झोपेचं सगळं गणित बिघडून जातं. अशावेळी आपल्या शरीराची आणि त्वचेची काळजी घेणं गरजेचं असतं.अभिनय क्षेत्रात सर्वच गोष्टींची बारकाईनं काळजी घ्यावी लागते. शरीरातील पाण्याची पातळीही व्यवस्थित ठेवावी लागते. अनेकदा जागरणामुळे ॲसिडिटी होते, त्यामुळे नकळत चिडचिड होते. या सर्व गोष्टी व्यवस्थित करण्यासाठी जिम, ध्यानधारणा किंवा एखादा आवडीचा छंद जोपासावाच लागतो. त्यामुळे आपण मानसिकरित्या भक्कम होतो..घरातील अन्नाला प्राधान्यआहाराच्या बाबतीत मी खूप जागरूक आहे. पोट रिकामं राहिलं, तर मला त्रास होतो. त्यामुळे मी दोन-दोन तासांनी थोडं- थोडं खात असते. आईनं किंवा मी बनवलेलं किंवा घरातील पदार्थच मी खाते. बाहेरचे पदार्थ टाळते. चपाती, भाजी, डाळ आणि थोडासा भात, दही खायला प्राधान्य दिलं पाहिजे. त्याचबरोबर विविध पालेभाज्याही आहारात असाव्यात. ग्रीन सॅलड, सफरचंदं आणि ऋतुमानानुसार फळंही खावीत. अनेकदा चित्रीकरणामुळे जेवण करायला वेळही मिळत नाही. त्यामुळे भूक लागली हेही कळत नाही; तसंच पाणीही पिलं जात नाही. त्यामुळे अधूनमधून काहीतरी मी खात असते.मला पावभाजी आणि चायनीज पदार्थ खूप आवडतात. मात्र, इच्छा होऊनही मला ते खाता येत नाहीत. मात्र जेवढं पौष्टिक अन्न खाता येईल, तेवढं मी खाते. फळांचे ज्यूस, ग्रीन टी, ब्लॅक टी आणि ताकही पिते. चहा आणि कॉफी मला बऱ्यापैकी आवडत नाही..सुदृढ आरोग्यासाठी टिप्सदेवाने आपल्याला खूप चांगलं शरीर दिलं आहे. त्याची जपणूक करणं, काळजी घेणं हे आपलं कर्तव्य आहे. शेतीची उत्तम मशागत केली तर येणारं पीक उत्तम असतं. तसंच, शरीराची काळजी घेतली तर त्याचा फायदाही आपल्यालाच होणार असतो.आपण जेवढं पौष्टिक आणि चांगलं खाऊ, तेवढे आपले विचारही चांगले राहतात, शरीरही तंदुरुस्त राहतं.शारीरिक आणि मानसिक आरोग्यासाठी आपल्या आवडीचा छंद जोपासा. त्यातून ताण तणावही कमी होईल आणि मन प्रसन्न होईल.दिवसभरात वेळ मिळाला नाही, तर तुम्ही सायंकाळी किंवा रात्रीही व्यायाम करू शकता. स्वतःच्या आणि कुटुंबाच्या आरोग्यासाठी व्यायामाला प्राधान्य द्या.नृत्यातून आपल्या शरीराची पूर्णपणे हालचाल होते. त्यामुळे तणावमुक्तीसाठी नृत्य करत जा.(शब्दांकन : अरुण सुर्वे).ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

मन अन् शरीरालाही करा प्रसन्न

Related Stories