Mental Health : मानसिक आरोग्य उत्तम ठेवण्यासाठी आजच तुमच्या दिनचर्येत 'या' सवयींचा करा समावेश, ताण-तणावाची होईल सुट्टी.!

Mental Health : सध्याचे धावपळीचे जीवन, कामाचा ताण, खाण्यापिण्याच्या चुकीच्या सवयी, अपुरी झोप अन् व्यायामाच्या अभावामुळे आरोग्याच्या अनेक समस्या निर्माण झाल्या आहेत. शारिरीक समस्यांसोबतच मानसिक आरोग्याच्या समस्या ही वाढत आहेत. यामध्ये नैराश्य आणि चिंता या समस्यांचे अधिक प्रमाण आहे..अशा स्थितीमध्ये आपण सर्वांनीच मानसिक आरोग्याकडे लक्ष देण्याची गरज आहे. मानसिक आरोग्याची व्यवस्थित काळजी घ्यायची असेल तर, तुम्ही रोजच्य दैनंदिन जीवनात काही चांगल्या सवयींचा समावेश करणे महत्वाचे आहे. या सवयींमुळे तुमचे मानसिक आरोग्य उत्तम राहण्यास मदत होईल आणि चिंता, नैराश्य आणि तणावापासून तुमची सुटका होऊ शकेल. कोणत्या आहेत त्या सवयी? चला तर मग जाणून घेऊयात..Foods For Mental Health : नैराश्यापासून सुटका हवी? मग, आहारात 'या' खाद्यपदार्थांचा करा समावेश, तुमचे मानसिक आरोग्य राहील उत्तम.योगा-मेडिटेशन करारोजचा ताण-तणाव आणि चिंता दूर करण्यासाठी योगा अतिशय फायदेशीर आहे. त्यामुळे, रोजच्या कामाच्या गडबडीतून थोडा वेळ योगा आणि ध्यान करण्यासाठी काढा. नियमित योगा आणि मेडिटेशन केल्याने मानसिक शांती मिळते आणि मूड रिफ्रेश होण्यास मदत होते. शिवाय, तुम्ही चिंताजनक विचारांपासून ही दूर राहता. त्यामुळे, तुम्हाला आंतरिक ऊर्जा मिळते आणि तुम्ही फिट राहता..संतुलित आहार आवश्यकमानसिक आरोग्य अन् शारिरीक आरोग्य उत्तम ठेवण्यासाठी संतुलित आहार घेणे आवश्यक आहे. यासाठी तुम्ही आहारात फळे, हिरव्या पालेभाज्या, प्रथिने, धान्य, कडधान्य, प्रथिने, हेल्दी फॅट्स इत्यादींचा समावेश करावा. .या खाद्यपदार्थांचे सेवन केल्याने मेंदूचे आरोग्य सुधारण्यास मदत होते आणि मूड फ्रेश होतो. विशेष करून फॅटी फिश, जवस आणि अक्रोड मेंदूच्या कार्यासाठी आणि मानसिक आरोग्यासाठी फायदेशीर आहेत..लिहिण्याची सवय महत्वाचीडायरी लिहिणे हा अनेकांच्या दैनंदिन जीवनाचा भाग आहे. आताच्या सोशल मीडियाच्या जमान्यात दररोज डायरी लिहिण्याच्या सवयीमुळे तणाव आणि नैराश्यासारख्या समस्यांपासून सुटका मिळू शकते. हो हे अगदी खरं आहे. कारण डायरी लिहिण्यामुळे मनात नकारात्मक आणि चिंताजनक विचार येत नाही. .त्यामुळे, मानसिक शांती मिळते. त्यामुळे, रोजच्या दैनंदिन जीवनात थोडासा वेळ काढून डायरी अवश्य लिहित जा. यामध्ये तुम्ही रोजच्या कामाचे शेड्यूल, मनातील काही विचार ही लिहू शकता..पुरेशी झोप घ्याशारिरीक अन् मानसिक आरोग्य उत्तम ठेवण्यासाठी पुरेशी झोप घेणे अतिशय महत्वाचे आहे. पुरेशी झोप घेतली नाही की, आरोग्याच्या अनेक समस्या सुरू होतात. आरोग्य तज्ज्ञांच्या मते रोज किमान ७-८ तासांची झोप आवश्यक आहे. विचार करण्याची आणि समजून घेण्याची क्षमता वाढवण्यासाठी आणि मानसिक आरोग्यासाठी रोज पुरेशी झोप घ्या. त्यासाठी, दररोज एकाच वेळी झोपण्याची आणि लवकर उठण्याची सवय लावा..Iron Rich Foods : अशक्तपणामुळे त्रस्त आहात? मग, तुमच्या आहारात लोहाने समृद्ध असलेल्या 'या' खाद्यपदार्थांचा करा समावेश.डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.