Monsoon Yoga Tips: पावसाळ्यात रोगप्रतिकारशक्ती वाढवण्यासाठी या आसनांचा करा सराव

Monsoon Health Care Tips: पावसाळा अनेक लोकांचा आवडता ऋतू आहे.पण या दिवसांमध्येच अनेक आजार जोके वर काढतात. आपल्या शरीराची पचनशक्ती देखील कमकुवत होते. अशावेळी योग्य आहार आणि योगा करणे गरजेचे आहे. शरीराची प्रतिकारशक्ती वाढवण्यासाठी कोणत्या आसनांचा सराव करावा हे जाणून घेऊया.

प्रतिकारशक्ती वाढवणे गरजेचे

बदलत्या हवामानात रोगप्रतिकारशक्ती कमकुवत होते. यामुळे अनेक आजारांना लोक बळी पडतात. त्या आजारांवर योग्य आणि वेळेवर उपचार न केल्यास आजार गंभीर होऊ शकतात. यामुळे प्रतिकारशक्ती वाढवण्यासाठी नियमितपणे पुढील योगासनांचा सराव करणे गरजेचे आहे.

भुजंगासन

भुजंगासनाचा सराव केल्याने शरीराची प्रतिकारशक्ती वाढण्यास मदत मिळते. तसेच पोटावरची चरबी कमी होते. नियमितपणे सराव केल्याने रक्ताभसरण सुरळित होते. तसेच शरीर लवचिक राहते.

मत्स्यासन

मत्स्यानाचा निमयमितपणे सराव केल्याने अनेक आजार दूर राहतात. तसेच शरीराची रोगप्रतिकारशक्ती मजबूत होते. तुम्हाला थायरॉइड,निद्रानाश किंवा श्वसनासंबंधित समस्या असेल तर या आसनांचा सराव करू शकता.

उत्तानासन

तुम्ही घरीच उत्तासनाचा सराव करू शकता. यामुळे पोटावरची चरबी कमी होऊन वजन नियंत्रणात राहते. तसेच शरीराची रोगप्रतिकारशक्ती वाढते. या आसनचा सराव केल्याने केस, त्वचा, यकृत यांचे आरोग्य निरोगी राहते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.