Navratri 2023 : काही लोक नवरात्रीचे नऊ दिवस उपवास करतात. ज्यामुळे शरीर चांगल्याप्रकारे डिटॉक्स झाले असते. या नऊ दिवसांत काही लोकांचे वजनसुद्धा कमी करते. नवरात्रीच्या नऊ दिवसांत बहुतांश लोक हलकं फुलकं खातात. ज्यामुळे शुगर लेव्हल नियंत्रणात राहते. हृदयाचे आरोग्यही चांगले राहते आणि अनेक आजारांपासून बचाव होतो. त्यामुळे उपवास ठेवणे आपल्या आरोग्यासाठी चांगले असते.
मात्र उपवास सोडताच अनेक लोक अनहेल्दी पदार्थ खाण्यास सुरुवात करतात. अनेक लोकांना उपवासानंतर आहारात कोणत्या गोष्टींचा समावेश करून घ्यावा याची कल्पना नसते. तेव्हा आज आपण आहारतज्ज्ञ दिव्या गांधी यांच्याकडून याबाबत सविस्तर जाणून घेऊयात.
नवरात्रीच्या दिवसांत बहुतेक लोक हलका आहार घेतात. त्यामुळे हळू हळू नऊ दिवसांत आपल्या शरीराला त्याची सवय होऊ लागते. अशात उपवास संपताच तुम्ही लगेच तिखट पदार्थ खाऊ नका. यामुळे छातीत जळजळ आणि पोटदुखीच्या समस्या उद्भवतात.
उपवास सुटल्यानंतर फास्ट फूड खाऊ नका. उपवासाच्या दिवसांत शरीरातील सगळे टॉक्झिन्स बाहेर पडतात. अशात तुम्ही फास्ट फूड खाल्ल्यास तुम्हाला पोटाच्या समस्या उद्भवू शकतात.
नवरात्रीच्या उपवासात ब्लड शुगर लेव्हल कमी झालेली असते. अशात ज्यांना मधुमेहाचा त्रास आहे अशा रूग्णांनी प्रोसेस्ड फूड खाऊ नये. प्रोसेस्ड फूडमध्ये शुगर, सोडियम आणि फॅट भरपूर असते. याचे सेवन केल्यास तुमचे आरोग्य बिघडू शकते. मधुमेहाच्या रूग्णांसाठी प्रोसेस्ड फूड योग्य मानले जात नाही.
उपवास सोडल्यानंतर सुरुवातीच्या काही दिवसांत हलके जेवण जेवा. यात फळांचा, नारळ पाणी आणि व्हेजिटेबल सूपचा समावेश करून घ्या.
उपवासानंतर तुम्ही फळांमध्ये केळी, डाळींब आणि सफरचंद यांसारखी फळे खाऊ शकता.
उपवासानंतर दही खाणे फार महत्वाचे आहे. दही प्रोटीनचा चांगला स्त्रोत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
