Office Yoga : कामाचा ताण वाढल्याने लो फील होतंय? या आसनाने वाढेल आत्मविश्वास

मनाली देव

Yoga For Increase Confidence And Reduce stress : धकाधकीचं जीवन आणि कामाबरोबर मनावर वाढणारा ताण यामुळे अनेक मानसिक आणि शारीरिक आजार जडतात. पण स्वतःसाठी थोडासा वेळ काढला तर तुम्ही या त्रासातून नक्कीच सहज बाहेर पडू शकतात. यासाठी काही आसन प्रकार करणे गरजेचं असतं.

योग जीवन : अनुपार्श्व कोनासन

हे बैठकस्थितीमधील आसन आहे.

असे करावे आसन

• प्रथम दोन्ही पाय सरळ करून बसावे.

• नंतर एक पाय गुडघ्यात वाकवून आतल्या बाजूला घ्यावा.

• दुसरा पाय मागच्या बाजूला घेऊन गुडघ्यात वाकवावा.

• त्यानंतर हाताच्या आधाराने वरच्या दिशेला घ्यावा.

• डावा पाय मागच्या बाजूने गुडघ्यात वाकवला असल्यास डाव्या हाताच्या जवळच कोपरात डावे पाऊल अडकवावे. उजवा हात पुढून वर घ्यावा.

• दोन्ही हात वरच्या दिशेला घेतल्यावर बोटे एकमेकांत गुंफावीत किंवा पकडावीत.

• मान थोडीशी वरच्या दिशेला घ्यावी.

• आसनस्थितीमध्ये श्वास संथ सुरू ठेवावा.

• खूप ताण देऊन सुरुवातीला आसन करू नये.

• एका बाजूने झाल्यावर दुसऱ्या बाजूनेही करावे.

आसनाचे फायदे

• संपूर्ण शरीराला ताण बसतो.

• खादे, पाठ, कंबरेचे स्नायू लवचिक व सशक्त होतात.

• छाती व पोटाच्या भागाला ताण बसल्याने तेथील अवयव, इंद्रिये अधिक कार्यक्षम होतात.

• फुफ्फुसाची कार्यक्षमता वाढते.

• मनावरील ताण कमी होण्यास मदत होते.

• आत्मविश्वास वाढविण्यासाठी, पोश्चर सुधारण्यासाठी आसन उपयुक्त.