बडीशेप ही प्रत्येकाच्या स्वयंपाकरात सहज उपलब्ध होणारी गोष्ट आहे. विविध प्रकारच्या पदार्थांमध्ये बडीशेपचा वापर केला जातो. बडीशेप जेवणानंतर माउथ फ्रेशनर म्हणून वापरतात. बडीशेप अनेक प्रकारे आरोग्यासाठी उपयुक्त आहे. बडीशेपचा आहारात समावेश करून महिलांना अनेक फायदे मिळू शकतात.
स्त्रियांमध्ये हार्मोनल असंतुलन अनेकदा उद्भवते. बडीशेपमध्ये अँटी-एंड्रोजन गुणधर्म असतात ज्यामुळे हार्मोनल संतुलन राखण्यास मदत होते. PCOS ग्रस्त महिलांना बडीशेप खाल्ल्याने फायदा होऊ शकतो. बडीशेप शरीरातील एंड्रोजन कमी करण्यास मदत करू शकते, ज्यामुळे केस गळणे कमी होण्यास मदत होते.
त्यात फायटोएस्ट्रोजेन्स असतात जे हार्मोनल असंतुलनासाठी एक चांगला पर्याय आहे. त्यात प्रोजेस्टोजेनिक पदार्थ देखील असतात, जे थायरॉईड संप्रेरकांचे संतुलन राखण्यास मदत करतात. बडीशेपमध्ये अँटी स्पॅस्मोडिक गुणधर्म असतात जे मासिक पाळीच्या वेदना आणि पेटके कमी करण्यास मदत करतात.
मासिक पाळीच्या वेळी महिलांना अनेकदा ब्लोटिंगची आणि गॅसची समस्या भेडसावते, याचे सेवन केल्याने या समस्या कमी होण्यास मदत होते.
बडीशेपमध्ये अँटिऑक्सिडंट्स आणि व्हिटॅमिन सी चांगल्या प्रमाणात असते, ज्यामुळे त्वचा चमकदार होण्यास मदत होते. डाग आणि मुरुमांपासून संरक्षण करण्यासाठी उपयुक्त आहे.
बडीशेपचा चहा वजन कमी करण्यास देखील मदत करू शकते. या चहाचे सेवन केल्याने आपले पोट बराच वेळ भरलेले राहते.
बडीशेपचे पाणी प्या, यासाठी एक चमचा बडीशेप रात्रभर पाण्यात भिजवून ठेवा आणि गाळून सकाळी प्या.
तुम्ही बडीशेपचा चहा देखील पिऊ शकता. तुम्ही बडीशेप उकळवून चहा बनवू शकता.
बडीशेप वाळवून त्याची पावडर बनवा आणि पावडर खाल्ल्यानंतर गरम पाणी प्या किंवा दुधात मिसळून सेवन करू शकता.
