Eye Care : तुम्हालाही आहे का सतत डोळे चोळण्याची सवय ? मग असा आहे धोका

मुंबई : डोळे हा आपल्या शरीराचा सर्वात संवेदनशील भाग मानला जातो. अनेकांना अशी सवय असते की ते सतत डोळ्यांना स्पर्श करत राहतात आणि चोळतात. याशिवाय अनेक वेळा डोळ्यांना खाज सुटल्यामुळे तुम्ही डोळ्यांना हाताने स्पर्श केला असेल.

असे केल्याने तुमच्या डोळ्यांना अनेक प्रकारे हानि पोहोचू शकते. ( side effects of frequently rubbing eyes) हेही वाचा - नेट बँकिंग खात्यात ठेवा कमी रक्कम...जाणून घ्या कारण

कॉर्नियाला इजा

डोळ्यांना चोळल्याने कॉर्नियाला इजा होण्याची दाट शक्यता असते. यामुळे, तुम्हाला कॉर्नियावर ओरखडे देखील येऊ शकतात आणि तुम्हाला स्कार टिश्यू, कायमस्वरूपी दृष्टी समस्या यांसह अनेक समस्या असू शकतात.

काही वेळा इन्फेक्शन किंवा अॅलर्जीमुळेही डोळे लाल होण्याची समस्या उद्भवते. डोळ्यांवर अनपेक्षित दाब पडल्‍याने व्‍यागस नर्व्ह देखील सक्रिय होऊ शकते, ज्यामुळे तुमच्‍या हृदयाची गती कमी होऊ शकते.

डोळे लाल होतात

डोळ्यांना जोरात चोळल्याने त्यांच्या कोशिका फुटू शकतात आणि यामुळे तुमचे डोळे लाल होऊ शकतात ज्यामुळे डोळ्यांमध्ये लाल गुठळ्या देखील तयार होऊ शकतात.

इतकेच नाही तर डोळ्यांना जास्त चोळल्यामुळे काळी वर्तुळेही येतात, त्यामुळे डोळ्यांच्या आजूबाजूच्या त्वचेचा रंग गडद होतो.

डोळ्यांना सूज

जर तुम्ही दिवसभरात अनेक वेळा डोळे चोळत असाल तर डोळ्यांमध्ये कंजक्टिवाइटिस नावाचा आजारही पसरू शकतो. तुमच्या बोटात अनेक विषाणू आणि बॅक्टेरिया असतात जे डोळ्यांमध्ये जातात, ज्यामुळे डोळे सुजतात आणि लाल देखील होऊ शकतात.

डोळ्यांच्या बुबुळाच्या पुढील भागात दाह झाल्यामुळे तुमच्या डोळ्यात वेदना होतात आणि ते एका व्यक्तीपासून दुसऱ्या व्यक्तीमध्ये पसरू शकतात.

आपण वारंवार आपल्या डोळ्यांना स्पर्श करणे टाळावे. जर तुम्ही अनेक वेळा डोळे चोळत असाल तर त्यामुळे तुमच्या डोळ्यांना अनेक समस्या निर्माण होऊ शकतात. यामुळे तुमच्या डोळ्यांमध्ये धूसरपणा येऊ शकतो आणि डोळे जास्त प्रकाशासाठी संवेदनशील होतात.