- गौरी शिंगोटे, आर. डी., सी.ई.ओ. जुविनेट वेलबिंग
हल्लीच्या काळात, आरोग्य आणि स्वास्थ्य वर्तुळात ‘सुपरफूड्स’ हा शब्द खूपच प्रचलित आहे; पण हे नक्की काय आहे? सुपरफुड्स हे आरोग्य आणि स्वास्थ्यासाठी अतिशय फायद्याचे समजले जाणारे, पोषकतत्त्वाने समृद्ध असे अन्न आहे.
ही सुपरफूड्स जीवनसत्त्वे, क्षार, अँन्टिऑक्सिडंट्स, पाॅलिफेनाॅल्स व इतर आवश्यक पोषणतत्त्वाने समृद्ध असतात जी एकंदर आरोग्य सुधारण्यास, ऊर्जाशक्ती वाढवण्यास व दीर्घकालीन आजारांचा धोका टाळण्यास मदत करतात. ‘सुपरफूड्स’ या शब्दाची ठोस अशी शास्त्रीय व्याख्या नसली, तरी याचा उल्लेख इतर अन्नापेक्षा पोषणतत्त्वाने पुरेपूर समृद्ध असलेल्या पदार्थांचे वर्णन करताना होतो.