Blood Pressure : खाण्यापिण्याच्या चुकीच्या सवयींमुळे अनेक लोकांना उच्च रक्तदाबाच्या समस्यांना सामोरे जावे लागते. तुम्हाला रक्तदाब नियंत्रणात ठेवायचा असेल, तर कोणत्या पदार्थांचा आहारात समावेश करावा, हे जाणून घेऊया.
वारंवार चक्कर येणे
थकवा जाणवणे
धूसर दृष्टी
तहान आणि भूक वाढली
थंडी जाणवणे
रक्तदाब नियंत्रणात करण्यासाठी आहारात मॅग्नेशियम जास्त प्रमाणात असलेल्या पदार्थांचे सेवन करावे. त्यामुळे रक्तदाब नियंत्रित राहण्यास मदत होते. मॅग्नेशियमयुक्त आहार घेतल्यास नायट्रिक ऑक्साइडचे प्रमाण वाढते. यामुळे रक्तवाहिन्यांना आराम मिळतो. मॅग्नेशियम आहारासाठी हिरव्या भाज्या, बिया, सोयाबीन, कडधान्य आणि गहू आदींचे सेवन करावे.
ज्या लोकांना उच्च रक्तदाब आहे, त्यांनी व्हिटॅमिन डी समृद्ध आहार घेणेदेखील महत्त्वाचे आहे. रोज सकाळी काही वेळ सूर्यप्रकाशात बसावे. याशिवाय मासे, चीज, गायीचे दूध, सोया दूध, संत्र्याचा रस, तृणधान्ये, लोणी, दही, कोबी यांसारख्या पदार्थांचे आहारात सेवन करावा.
पोटॅशियमयुक्त आहार घेतल्यास रक्तदाब नियंत्रणात राहतो. पोटॅशियम शरीरातील पेशी निरोगी ठेवते. रोजच्या आहारात ४,७०० मिलिग्रॅम पोटॅशियम घेणे आवश्यक आहे. यासाठी तुम्ही केळी, पालक, बटाटा यांसारख्या खाद्यपदार्थांचे सेवन करू शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.