माझा आवडता विषय म्हणजे आर्ट क्युरेशन. याला छंद म्हणायचं की नाही, मला माहीत नाही. कारण हा माझा व्यवसायही आहे. आर्ट क्युरेशन म्हणजे कलासंग्रह डिझाइन करणं किंवा कलेशी संबंधित प्रदर्शनं भरवणं. यामध्ये व्हिजुअल आर्ट, परफॉर्मिंग आर्ट, गाण्याचा कार्यक्रम अशा सगळ्याचा समावेश होतो. अशा कार्यक्रमाचं आयोजन करणं, कार्यक्रमात काय काय सादर होणार, त्याचा क्रम काय असेल, कलाकार कोण असेल, हे सगळं ठरवणारी व्यक्ती म्हणजे क्युरेटर असते.