Carrot Benefits : हिवाळ्यात गाजर आवर्जून खाल्ले जाते. गाजरामध्ये पोषकघटकांचे भरपूर प्रमाण आढळून येते. व्हिटॅमिन A ने समृद्ध असलेल्या गाजरामुळे आपल्या आरोग्याला अनेक फायदे होतात. गाजराचा ज्यूस हा आपल्या आरोग्यासाठी अतिशय फायदेशीर आहे.
पोषकतत्वांनी समृद्ध असलेला गाजराचा रस पिऊन अनेक जण त्यांच्या दिवसाची सुरूवात करतात. शिवाय, गाजरामध्ये कमी कॅलरीज देखील आढळून येतात, त्यामुळे, वजन कमी करण्यासाठी गाजराचा ज्यूस पिणे हे फायदेशीर आहे. हा ज्यूस पिल्याने आपल्याला दिवसभर फ्रेश वाटते.
गाजर हे आपल्या आरोग्याव्यतिरिक्त केसांसाठी आणि त्वचेसाठी देखील लाभदायी आहे. हे अनेकांना माहित नसेल. आज आपण गाजराचा ज्यूस पिण्याचे आरोग्यदायी फायदे जाणून घेणार आहोत.
गाजरामध्ये कमी कॅलरीजचे प्रमाण आढळून येते. शिवाय, गाजरामध्ये फायबर्सचे प्रमाण भरपूर आढळून येते. त्यामुळे, गाजराचा ज्यूस पिल्यावर लवकर भूक ही लागत नाही.
तसेच, शरीरातील फॅट्स बर्न करण्याचे काम गाजर करते. त्यामुळे, वजन कमी करण्यासाठी गाजराचा ज्यूस हा फायदेशीर ठरतो. गाजर हे एक डिटॉक्सीफाईंग एजंटच्या रूपात आपल्या शरीरात काम करते.
गाजरामध्ये व्हिटॅमिन्स आणि फायबर्सचे भरपूर प्रमाण आढळून येते. त्यामुळे, गाजराचा ज्यूस पिल्याने आपल्या शरीरातील रोगप्रतिकारक शक्ती मजबूत होण्यास मदत होते.
गाजरामध्ये व्हिटॅमिन सी, आणि ए चे भरपूर प्रमाण आढळून येते. त्यामुळे, संक्रमित आजारांशी लढण्यासाठी गाजर मदत करते आणि आपली रोगप्रतिकारक शक्ती मजबूत होते.
गाजरामध्ये व्हिटॅमिन A आणि बीटा कॅरोटिनचे मुबलक प्रमाण आढळून येते. त्यामुळे, गाजराचा ज्यूस पिल्याने आपल्या डोळ्यांची दृष्टी सुधारण्यास मदत होते. शिवाय, डोळ्यांशी निगडीत इतर समस्या दूर होण्यास देखील मदत होते.
त्यामुळे, ज्यांना डोळ्यांच्या समस्या आहेत, अशा लोकांनी गाजराचे सेवन अवश्य करावे आणि गाजराचा ज्यूस देखील प्यावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
