Hot Chocolate Benefits : हिवाळा सुरू झाला की आपण आरोग्याची खास काळजी घेतो. वातावरणातील थंडावा दूर करण्यासाठी आणि शरीराला उष्णता मिळावी यासाठी, आपण अनेक प्रयत्न करतो. या दिवसांमध्ये अनेक जण सकाळच्या कोवळ्या ऊन्हात बसून शरीराला ऊब देण्याचा प्रयत्न करताना दिसतात, तर काही जण आहारात उष्ण पदार्थांचा समावेश करतात, जेणेकरून शरीराला उष्णता मिळावी.
या दिवसांमध्ये चहा, कॉफी सोबत कित्येक जण कपामध्ये हॉट चॉकलेटचे सेवन करतात. हे हॉट चॉकलेट तुम्हाला फक्त आतून गरम ठेवत नाही, तर तुमच्या शरीराला ते अनेक दृष्टींनी फायदेशीर आहे. हॉट चॉकलेटचे सेवन करण्याचे फायदे कोणते आहेत? ते आज आपण जाणून घेणार आहोत.
उत्तम प्रतीच्या कोको आणि दूधाने जेव्हा हॉट चॉकलेट बनवले जाते, तेव्हा ते पोषकघटकांनी परिपूर्ण आणि समृद्ध असते. फ्लेव्होनॉईड्सने युक्त असलेले हे हॉट चॉकलेटमधील पोषकघटक आपल्या हृदयाच्या आरोग्यासाठी अतिशय फायदेशीर आहेत. त्यामुळे, ज्या लोकांना हृदयाशी निगडीत समस्या आहेत, अशा लोकांना हॉट चॉकलेटचे सेवन करण्याचा सल्ला डॉक्टर देताना दिसतात.
थंडीच्या दिवसांमध्ये किंवा हिवाळ्यात हॉट चॉकलेटचे सेवन केल्यास आपला उत्साह किंवा मूड सुधारण्याचे कामात हॉट चॉकलेट मदत करते. जेव्हा आपण हॉट चॉकलेटचे सेवन करतो त्यावेळी एंडॉर्फिन या फिल-गुड हार्मोनचे उत्पादन उत्तेजित होऊ शकते. ज्यामुळे, आपला मूड सुधारण्यास मदत होते आणि आपले आरोग्य चांगले राहते.
दूधापासून बनवण्यात आलेल्या हॉट चॉकलेटमध्ये कॅल्शिअमचे प्रमाण भरपूर असते. या कॅल्शिअममुळे आपल्या शरीराची हाडे मजबूत आणि निरोगी राहण्यास मदत होते. हॉट चॉकलेटचे सेवन केल्याने हाडांना बळकटी देखील मिळते. ज्या लोकांना कॅल्शिअमची समस्या आहे किंवा ज्यांच्या शरीरात कॅल्शिअमची कमतरता आहे, अशा लोकांनी त्यांच्या आहारात हॉट चॉकलेटचा जरूर समावेश करावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
