Walnut Health Benefits : लोकांनी योग्य आहार आणि जीवनशैली निश्चित केली. तर सध्या वाढत असलेल्या आजारांपैकी ४० टक्के धोका कमी होऊ शकतो. आहारात पौष्टिकतेचा अभाव आणि असलेले फास्ट फूड आपल्या आरोग्य बिघडवतात. अशा गोष्टींमुळे आपल्या शरीराला दररोज आवश्यक पोषक द्रव्येही मिळत नाहीत. तसेच लठ्ठपणा आणि इतर आजारांचा धोका वाढतो.
आहारात हिरव्या भाज्या आणि फळांसोबतच रोज ड्रायफ्रुट्सचे सेवन करणे. तुमच्यासाठी विशेषतः फायदेशीर मानले जाते. अक्रोडात अनेक प्रकारची गुणधर्म असतात. ते आपलं आरोग्य अबाधित ठेवण्याचे काम करतात. आपले अक्रोड वजन कमी करणे, कोलेस्टेरॉल कमी करण्यापासून ते मेंदूची शक्ती वाढवण्यापर्यंत आणि शरीराला आवश्यक पोषक घटक पुरवतात.
अक्रोडमधील पोषक घटक
अक्रोडमध्ये प्रथिने, मॅग्नेशियम, कॅल्शियम, लोह, ओमेगा -3 फॅटी ऍसिड आणि इतर अनेक खनिजे भरपूर प्रमाणात असतात. अक्रोडाच्या अनेक गुणधर्मांमुळे ते कोरड्या फळांमध्ये सर्वात महत्वाचे मानले जाते. जर तुम्ही दररोज 3-4 भिजवलेले अक्रोड खाल्ले तर ते तुमच्या आरोग्याला अनेक मोठे फायदे देतात.
कोलेस्ट्रॉल कमी करते
अक्रोड खाणे हा आपल्या आरोग्यासाठी खूप चांगला पर्याय असू शकतो. शरीरात वाढलेलं कोलेस्टेरॉल कमी करण्यात अक्रोड अग्रेसर आहे. यामुळे हृदयविकाराचा धोका कमी होऊ शकतो.
मेंदूची क्षमता वाढते
मधुमेहाच्या रुग्णांसाठीही अक्रोड फायदेशीर असल्याचे आढळले आहे. याचे नियमित सेवन मज्जासंस्थेचे विकार दूर करण्यासाठी आणि मेंदूची क्षमता वाढवण्यासाठीही खूप फायदेशीर ठरू शकते.
छातीतील जळजळ
जळजळ होण्याचा धोका कमी करते अक्रोडामुळे शरीरात जळजळ होण्याचा धोका कमी होतो. जळजळ झाल्यामुळे हृदयविकार, टाइप-2 मधुमेह, अल्झायमर रोग आणि अगदी कर्करोगापर्यंतच्या समस्या उद्भवू शकतात. संशोधकांच्या मते, अक्रोडमध्ये असलेले पॉलीफेनॉल ऑक्सिडेटिव्ह तणाव आणि जळजळ होण्यापासून संरक्षण करण्यास मदत करतात.
मधुमेहावर गुणकारी
मधुमेहाच्या रुग्णांसाठी फायदेशीर अक्रोड केवळ हृदयविकारासाठीच फायदेशीर नाही, तर टाइप-2 मधुमेहाच्या रुग्णांसाठीही ते फायदेशीर आहे. हे वजन नियंत्रित ठेवण्यास देखील मदत करते आणि रक्तातील साखर वाढण्यापासून प्रतिबंधित करते.
टाईप-2 मधुमेह असलेल्या 100 लोकांवर केलेल्या अभ्यासात असे आढळून आले आहे की 3 महिने दररोज 1 चमचे अक्रोड तेलाचे सेवन केल्याने रक्तातील साखरेची पातळी कमी होते. मात्र, त्यासोबत औषधे घेणेही आवश्यक आहे.
रक्तदाब
उच्च रक्तदाबाचा धोका कमी करा जर तुम्ही रोज अक्रोड खात असाल तर ते तुमचा रक्तदाब कमी करण्यास देखील उपयुक्त आहे. संशोधनानुसार, उच्च रक्तदाब असलेल्या लोकांना अक्रोड खाल्ल्याने आरोग्यासाठी फायदे मिळू शकतात.
हृदयविकाराला आळा
हृदयविकाराचा उच्च धोका असलेल्या सुमारे 7,500 लोकांचा अभ्यास करण्यात आला. त्यात असे दिसून आले आहे की, दररोज 28 ग्रॅम अक्रोड खाणे रक्तदाब नियंत्रित करण्यासाठी फायदेशीर ठरू शकते. यामुळे हृदयविकाराचा धोकाही कमी होतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
