शरीरास प्रोबायोटिक्स पुरवठा व्हावा, यासाठी डाएटमध्ये दही आणि योगर्टचा समावेश करण्याचा सल्ला तज्ज्ञमंडळींकडून दिला जातो. कारण हे दोन्ही पदार्थ आरोग्यास पोषक मानले जातात. दही व योगर्ट म्हणजे एकच पदार्थ, असा बहुतांश लोकांचा समज असतो.
कारण दोन्ही पदार्थ दिसायला मलईदार असतात. पण खरंतर हे दोन्ही पदार्थ एकसारखे नाहीत, मंडळींनो. या दोन्ही पदार्थांचे वैशिष्ट्य वेगवेगळे आहे. योगर्ट आणि दही दोन्ही खाद्यपदार्थ दुधापासूनच तयार केले जातात. मात्र दोन्ही पदार्थ तयार करण्याची पद्धत वेगवेगळी आहे.
योगर्ट आणि दही तयार करण्यासाठी उपयुक्त असलेल्या बॅक्टेरिअल स्ट्रेन्समुळे या पदार्थांच्या घनता व टेक्श्चरमध्ये फरक दिसून येतो. योगर्ट पदार्थ तयार होण्यासाठी त्यास अधिक प्रमाणात कंट्रोल्ड फर्मेंटेशन प्रोसेसमधून जावे लागते. यामुळे योगर्ट कस्टर्डसारखे दिसते आणि याची चव देखील आंबट असते.
योगर्ट आणि दही हे दोन्ही प्रोबायोटिक्स, कॅल्शियम आणि प्रोटीनचे चांगले स्रोत मानले जातात. या दोन्ही पदार्थांची फर्मेंटेशन प्रोसेस भिन्न असते. यामुळे या पदार्थामध्ये आढळणारे पोषकघटक देखील भिन्न-भिन्न असते. योगर्टमध्ये दह्याच्या तुलनेत प्रोबायोटिक्सचे प्रमाण जास्त असते. यामुळेच योगर्ट आतड्यांच्या आरोग्यासाठी फायदेशीर आहे, असे तज्ज्ञांचं मत आहे.
प्रोबायोटिक्स म्हणजे जीवंत सूक्ष्मजीवच असते, जे आपल्या आरोग्याच्या दृष्टीकोनातून अतिशय फायदेशीर असते. योगर्ट आणि दही हे दोन्ही पदार्थ प्रोबायोटिक्सचे चांगले स्रोत आहेत. प्रोबायोटिक्समुळे शरीराची रोग प्रतिकारशक्ती वाढते, पचनप्रक्रिया देखील सुधारते.
डॉक्टरांच्या सल्ल्यानुसार योग्य प्रमाणात व योग्य वेळी योगर्ट व दह्याचा आहारात समावेश करावा.
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
