Sweet Potato Health Benefits: सध्या अ‍ॅमेझॉन प्राईमवरील 'पंचायत ३' ही वेब सिरीज खूप चर्चेत आहे. या वेब सीरिजने प्रेक्षकांचं मन जिंकलंय. यंदा पंचायत ३ सीरिजमध्ये एका एपिसोडमधील दुर्गेश कुमार (बनराकस) याचा "मिटिंग देखते रहिये ...करते रहिये मिटिंग मिटिंग... खेलते रहिये मिटिंग-मिटिंग... अलहुआ मिटिंग..." हा डायलाँग खुप व्हायरल होत आहे आणि सोशल मिडियावर मिम्सचा वर्षाव होत आहे. पण या डायलॉगमधील 'अलहुआ' शब्दाच अर्थ काय आहे हे तुम्हाला माहिती आहे का? 'अलहुआ' ला मराठीत रताळे आणि इंग्रजीमध्ये स्वीट पोटॅटो म्हणतात. रताळ्याचे अनेक आरोग्यदायी फायदेही आहेत. यामुळे तुम्ही रताळ्यांचा आहारात समावेश करू शकता.
एका संशोधनात असे दिसून आले की रताळे खाल्याने रक्तातील साखर नियंत्रणात राहते. जर तुमच्यापैकी कोणला मधुमेह असेल तर रताळ्याचा आहारात समावेश करू शकता.
रताळे खाणे मधुमेहींसाठी फायदेशीर आहे. इंटरनॅशनल जर्नल ऑफ मॉलेक्युलर सायन्सेसमध्ये एक संशोधन लेख प्रसिद्ध झाला होता. मलेशिया विद्यापीठाच्या फॅकल्टी ऑफ मेडिसिन अँड हेल्थ सायन्सेसच्या रुथ नाओमी आणि मलेशिया विद्यापीठाच्या टिश्यू इंजिनिअरिंग अँड रिजनरेटिव्ह सेंटरच्या हसना बहरी यांनी 2011 मध्ये रताळ्याचा वापर केला आणि त्यांना सकारात्मक परिणाम दिसले.
चाचण्यांमध्ये आढळले की रताळे उच्च ग्लुकोज पातळी कमी करण्यास सक्षम आहेत. वेब ऑफ सायन्स, स्प्रिंगर नेचर आणि पबमेड डेटाबेसच्या निकषांवरही या निष्कर्षाची चाचणी घेण्यात आली. यावर आधारित, असे म्हटले गेले की रताळे किंवा इपोमोआ बटाटा हायपरग्लायसेमिक स्थितीच्या उपचारांमध्ये प्रभावी असल्याचे सिद्ध झाले.
हे डिस्लिपिडेमिया नियंत्रित करण्यास देखील सक्षम आहे. रामाया मोहनराज आणि शुभा शिवशंकर यांचा संशोधन अहवाल 2014 मध्ये जर्नल ऑफ मेडिसिनल फूडमध्ये प्रकाशित झाला होता. याच आधारावर रताळे रक्तातील साखरेची पातळी नियंत्रित ठेवणारे मानले गेले.
रताळ्यामध्ये अनेक पोषक घटक असतात. हे एक कंदमुळ आहे. ज्यामध्ये कर्करोगविरोधी, मधुमेहविरोधी, दाहक-विरोधी आणि अँटी-ऑक्सिडंट गुणधर्म असतात. यात फायबर, कॅल्शियम, लोह, मॅग्नेशियम, फॉस्फरस, पोटॅशियम आणि सोडियम मोठ्या प्रमाणात आढळतात. त्यात झिंकही मुबलक प्रमाणात असते.
रताळ्यामध्ये व्हिटॅमिन ए, व्हिटॅमिन सी, व्हिटॅमिन ई, व्हिटॅमिन के, व्हिटॅमिन बी 1, व्हिटॅमिन बी 6 आणि व्हिटॅमिन बी 9 देखील असते.
रताळे खाल्लाने रक्तातील साखरेची पातळी नियंत्रणात राहते. रताळ्यामध्ये फायबर मुबलक प्रमाणात असते. यामुळे पचनसंस्था सुरळीत कार्य करते. यामुळे मधुमेहाच्या रुग्णांसाठी ते योग्य आहे. त्यात मंद कर्बोदके असतात म्हणजेच ग्लायसेमिक इंडेक्स कमी असतो. यामुळे रक्तातील साखरेमध्ये चढ-उतार होत नाहीत आणि खाल्ल्यानंतर लगेच रक्तातील साखरेची पातळी वाढत नाही.
तुम्ही रताळे विविध प्रकारे खाऊ शकता. तुम्ही उकडून, काप करून तुपात भाजून त्याचे स्वन करू शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
