Schizophrenia : स्किझोफ्रेनिया हा एक मानसिक आजार आहे. हा एक प्रकारचा गंभीर आजार मानला जातो. या आजाराने पीडित असलेल्या व्यक्ती अनेकदा गोंधळलेल्या स्थितीमध्ये असतात. हा आजार कुणालाही आणि कोणत्याही वयामध्ये होऊ शकतो. हा आजार दुर्मिळ असला तरी गंभीर आहे.
या आजारामुळे जगभरातील २० लाख लोकांना याचा फटका बसला असून यातले बहुतेक रूग्ण हे किशोरवयीन आहेत. स्किझोफ्रेनिया हा एक प्रकारचा ग्रीक शब्द आहे. विभाजित मन असा या शब्दाचा अर्थ आहे. या आजारामध्ये पीडित व्यक्तीची स्थिती ही नेहमी गोंधळलेली असते.
या आजाराची लक्षणे कोणती? आणि हा आजार होण्यामागची कारणे कोणती ? ते आज आपण जाणून घेणार आहोत.
एकटे राहणे
लोकांपासून दूर राहणे
गर्दीच्या ठिकाणी जाणे टाळणे
नेहमी गोंधळलेली मनस्थिती असणे
अस्वस्थ वाटणे
आयुष्याबद्दल निराश असणे
चेहरा पडलेला दिसणे
वजन कमी होणे
चांगल्या प्रकारे काम करण्यास असमर्थ
परिस्थितीनुसार भावना नसणे
भूकेच्या पॅटर्नमध्ये बदल होणे
सतत भास होणे
ड्रग्जचे सेवन करणे
दारूचे सेवन जास्त प्रमाणात करणे
खूप ताण घेणे
काही अनुवांशिक कारणे असू शकतात.
मेंदूचा कोणताही जुनाट आजार
स्किझोफ्रेनिया या आजाराची कोणतीही अचूक चाचणी करता येत नाही. शिवाय, अशा प्रकारची कोणतीही चाचणी जगात उपलब्ध नाही. त्यामुळे, जगभरातील डॉक्टर, वैद्यकीय केसेस, मानसिक स्थिती, सामाजिक घटक आणि लक्षणे यानुसार पीडित व्यक्तीवर उपचार केले जातात.
योगासने, ध्यानधारणा, थेरपी, औषधे आणि कुटुंबातील व्यक्तींचा पाठिंबा यांच्या मदतीतून या आजाराने पीडित असलेल्या व्यक्तीवर नियंत्रण ठेवले जाते. या आजारामध्ये पीडित व्यक्तीला कुटुंबाचा पाठिंबा मिळणे आवश्यक आहे. पीडित व्यक्तीने ड्रग्ज, दारूचे सेवन टाळणे महत्वाचे असते. जेणेकरून या आजारातून बाहेर पडायला मदत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
