World Health Day 2023 : गर्भधारणा रोखण्यासाठी हे काँट्रासेप्टीव्ह आहे सर्वात सुरक्षित

Secured Contraceptive to Avoid Pregnancy : गर्भधारणारणा रोखण्यासाठी बाजारात वेगवेगळे पर्याय उपलब्ध आहेत. शारीरिक संबंधांदरम्यान गर्भधारणा राहू नये म्हणून काही उपाय केले जातात. पण नेमका कोणता उपाय किती सुरक्षित आहे याविषयी बऱ्याच जोडप्यांना माहितीच नसते.

त्यामुळेच तुमचे आरोग्य आणि भविष्य ध्यानात ठेवत योग्य पर्याय निवडणे आवश्यक असते. याविषयी तज्ज्ञ काय सांगतात जाणून घेऊया.

काँट्रासेप्टीव्हचे प्रकार

• काँट्रासेप्टशन दोन प्रकारचे असतात आल्पकालीन आणि दीर्घ कालीन.

• गर्भधारणा काही काळापूरतीच थांबवायची असेल तर अल्पकालीन काँट्रासेप्शनचा पर्याय निवडला जातो.

• यात गर्भनिरोधक गोळ्या, कंडोम, व्हजायनल रिंग, फोम टॅब्लेट्स यांचा समावेश होतो.

• जर दीर्घ काळासाठी गर्भधारणा थांबवायची असेल तर दीर्घकालीन काँट्रासेप्शन म्हणजे ऑपरेशम करून नसबंदी केली जाते.

कंडोमचा फेल्युअर रेट जास्त

बहुतांश लोक गर्भधारणा टाळण्यासाठी कंडोमचा वापर करतात. पण कंडोम रबरने बनलेलं असतं. ज्यामुळे संबंध ठेवताना अनेकदा हे फाटण्याची शक्यताही असते. त्यामुळे याचा फेल्युअर रेट फार जास्त असतो.

गर्भनिरोधक गोळ्या

जर थोड्या वेळासाठी गर्भधारणा थांबवायची असेल तर गर्भनिरोधक गोळ्या घेतल्या जातात. पण हे घेण्याआधी डॉक्टरांचा सल्ला घेणं फार आवश्यक असतं. कारण या गोळ्या खाल्ल्याने साइड इफेक्ट होण्याची शक्यताही अधिक असते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.