Weekly Horoscope 2024 : साप्ताहिक राशिभविष्य (०८ सप्टेंबर २०२४ ते १४ सप्टेंबर २०२४)
व्यवसायात आर्थिक ओघ राहील
मेष : सप्ताहारंभ भरणी नक्षत्राच्या व्यक्तींना घरगुती वादातून त्रासाचा ठरेल. बाकी शुभग्रहाच्या माध्यमातून व्यावसायिक क्षेत्रात आर्थिक ओघ कायम ठेवेल. अश्‍विनी नक्षत्राच्या व्यक्तींना गुरुवार, शुक्रवार वैयक्तिक सरावातून प्रसन्न ठेवतील. तरुणांना मुलाखतीतून यश लाभेल. कृत्तिका नक्षत्राच्या व्यक्तींना राजकीय शत्रुत्वातून त्रास होईल. काहींना बदनामीचं भय सतावेल.
तरुणांना वाव मिळेल
वृषभ : सप्ताहात शुभग्रहांकडून उत्तम रसद पुरवली जाईल. तरुणांना मोठा वाव मिळेल. शैक्षणिक समस्या जाईल. रोहिणी नक्षत्राच्या व्यक्तींना सप्ताहाचा शेवट मोठा आनंददायी. विशिष्ट चैनी, करमणुकीवर खर्च होईल. कृत्तिका नक्षत्राच्या व्यक्तींना सप्ताहारंभ विचित्र गाठीभेटीचा ठरेल. शनिवारी मौल्यवान वस्तू जपा. मृग नक्षत्राच्या व्यक्तींना नोकरीतील राजकारणानं त्रास होईल.
कुसंगत-मोह टाळा
मिथुन : सप्ताहातील ग्रहांचं फिल्ड कुसंगतीतून जपण्याचं, संमोहन टाळा. सहली, करमणुकीतून बेरंग होऊ शकतो. बाकी शुक्रभ्रमण गुरुवारी आणि शुक्रवारी घरात अतिशय मंगलमयी असं राहील. आर्द्रा नक्षत्राच्या व्यक्तींना वैवाहिक जीवनातील सुवार्ता प्रसन्न ठेवतील. पुनर्वसु नक्षत्राच्या व्यक्तींना सप्ताहाचा आरंभ आणि शेवट आरोप-प्रत्यारोपातून त्रासदायक ठरण्याची शक्यता.
जुनाट व्याधींचा त्रास होईल
कर्क : रवी-शनी प्रतियुतीचे फिल्ड आणि मंगळ भ्रमणाची स्थिती अपवादात्मक प्रसंगातून त्रास देणारी. काहींना विशिष्ट जुनाट व्याधींचा त्रास सतावेल. बाकी सप्ताहात गुरु-शुक्राच्या भ्रमणाची पार्श्वभूमी घरातील वातावरण प्रसन्न ठेवेल. पुष्य नक्षत्राच्या व्यक्तींना ता. १० व १२ हे दिवस वैयक्तिक सुवार्तांचेच. आश्‍लेषा नक्षत्राच्या व्यक्तींना गुरुवार गुप्तचिंता घालवणारा.
आचारसंहितेचे पालन करणे योग्य
सिंह : रवी-शनी प्रतियुतीचे फिल्ड राजकीय व्यक्तींना वादात ओढणारे. सप्ताहारंभी नव परिणितांनी आचारसंहिता पाळावी. काहींना सासुरवास घडू शकतो. बाकी सप्ताहात शुभग्रहांची कनेक्टिव्हिटी राहील. मात्र ती खेचून घ्यावी लागेल. पूर्वा नक्षत्राच्या व्यक्तींना ही युक्ती जमू शकते. ता. १२ व १३ हे दिवस अनेक माध्यमातून यशस्वी ठरू शकतात. मघा नक्षत्राच्या व्यक्तींना गुरुवार विशिष्ट भाग्य खेचून आणणारा.
लक्ष्मीची कृपा राहील
कन्या : सप्ताहातील गुरु आणि शुक्राचे भ्रमण एक छान अंडरकरंट ठेवतील. प्रेमिकांची कनेक्टिव्हिटी चांगलीच राहील. फायदा घ्याच. ता. ११ व १३ हे दिवस दैवी प्रसाद देणारे. उत्तरा नक्षत्राच्या व्यक्तींना नोकरीचा लाभ. हस्त नक्षत्राच्या व्यक्तींना महालक्ष्मी प्रसन्न होईल. चित्रा नक्षत्राच्या व्यक्तींनी गावगुंडांशी अरेरावी टाळावी. सप्ताहात एखादी ग्रासलेली पुत्रचिंता जाईल.
व्यवसायात कामगार पीडा शक्य
तूळ : सप्ताहातील ग्रहांचं फिल्ड जरा अपवादात्मक स्वरूपाचंच राहील. कोणताही अट्टाहास टाळाच. नोकरीत वरिष्ठ सांभाळा. नवपरिणितांनी आचारसंहिता पाळावी. सप्ताहात व्यावसायिक कामगारपीडा होईल. विशाखा नक्षत्राच्या व्यक्तींना सरकारी धोरणातून त्रास. बाकी ता. ११ व १२ हे दिवस एकूणच मंगलमयी राहतील. स्वाती नक्षत्राच्या व्यक्तींना नोकरीच्या मुलाखतीतून फलदायी. नुकसानींचे भय जाईल
विशिष्ट कौशल्याचा लाभ होईल
वृश्‍चिक : एकप्रकारचे परस्परविरोधी ग्रहमान राहील. युक्तीने वागा. शुभग्रहांची कनेक्टिव्हिटी साधून राहा. अनुराधा नक्षत्राच्या व्यक्तींना विशिष्ट कौशल्यामुळे लाभ होतील. गुरुकृपेतून ऋद्धी, सिद्धी प्रसन्न राहतील. नोकरीत हाताखालची माणसे सांभाळा. ज्येष्ठा नक्षत्राच्या व्यक्तींना जुन्या गुंतवणुकीतून लाभ. विशाखा नक्षत्राच्या व्यक्तींना ओळखीतून नोकरी.
प्रतिकूल काळ, काळजी घ्या
धनु : सप्ताहातील ग्रहांचं फिल्ड फलंदाजीचे नाहीच. संशयास्पद क्रिया - प्रतिक्रिया टाळा. नवपरिणितांनी सांभाळावे. पूर्वाषाढा नक्षत्राच्या व्यक्तींसाठी ता. १२ व १३ हे दिवस व्यावसायिक प्रसन्नता ठेवतील. विशिष्ट वसुली होईल. मूळ नक्षत्राच्या व्यक्तींना ता. १२ चा गुरुवार विशिष्ट सरकारी कामांतून हेतू साध्य करणारा. पुत्रचिंता जाईल.
आरोग्याची पथ्यं पाळाच
मकर : सप्ताहात आरोग्यविषयक पथ्ये पाळा. जुनाट व्याधी सांभाळा, भाजणं - कापणं जपा. बाकी सप्ताहातील शुभग्रहांचा अंडरकरंट व्यावसायिक कामांतून फलदायी होईल. ता. १० ते १२ हे दिवस महत्त्वाच्या गाठीभेटीतून गतिमानच राहतील. उत्तराषाढा नक्षत्राच्या व्यक्तींना वैवाहिक जीवनातील सुवार्तांतून धन्यता. श्रवण नक्षत्राच्या व्यक्तींना नोकरीत भाग्यसंकेत मिळतील. धनिष्ठा नक्षत्राच्या व्यक्तींना विवाहयोग.
मुलाखतींमध्ये यश मिळेल
कुंभ : रवी-शनी प्रतियुतीच्या पार्श्‍वभूमीवर एकप्रकारचं १४४ कलम राहील. क्रिया-प्रतिक्रियांतून गैरसमज टाळा. नोकरीत वरिष्ठ सांभाळा. बाकी सप्ताहातील गुरुवार आणि शुक्रवार शुभग्रहांचे अंडरकरंट ठेवतील. धनिष्ठा नक्षत्राच्या व्यक्तींना मुलाखतींतून यश मिळेल. शततारका नक्षत्राच्या व्यक्तींना शुक्रवार विशिष्ट सुवार्तेतून जल्लोषाचा. शैक्षणिक चिंता जाईल.
तडजोडीतून लाभ होतील
मीन : सप्ताहात रवी-शनी प्रतियुतीचे फिल्ड शत्रुत्वाच्या पार्श्‍वभूमीवर गांभीर्य निर्माण करू शकते. बाकी सप्ताहात शुभग्रहांचा जबरदस्त आंतरप्रवाह राहील. रेवती नक्षत्राच्या व्यक्तींना ता. १० ते १२ या दिवसांत यांचा चांगलाच अनुभव येईल. तरुणांना शिक्षण, नोकरी आणि विवाह माध्यमांतून विशिष्ट शुभसंकेत मिळतील. उत्तरा-भाद्रपदा नक्षत्राच्या व्यक्तींना तडजोडीतून आर्थिक लाभ मिळतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.