Weekly Horoscope 2024 : साप्ताहिक राशिभविष्य (१५ सप्टेंबर २०२४ ते २१ सप्टेंबर २०२४ )
नोकरीत चांगल्या घडामोडी होतील
मेष : सप्ताह घरगुती सुख-स्वास्थ्याचाच राहील. भरणी नक्षत्राच्या व्यक्तींना सतत ग्रासणारी पुत्रचिंता जाईल. प्रेमिकांच्या विवाहातील अडसर दूर होतील. सप्ताहाचा शेवट मोठा गोड राहील. नोकरीत उत्तम घडामोडी होतील. अश्विनी नक्षत्राच्या व्यक्तींना पौर्णिमेचं प्रभावक्षेत्र संमिश्र स्वरूपाचं आहे. प्रवासात सांभाळा. बाकी शुक्रवार मोठ्या मौजमजेचा. वैवाहिक जीवनातून आनंदोत्सव.
चौकार-षटकारांचा कालखंड
वृषभ : गुरु-शुक्राचा शुभयोग ग्रहांचा पट लावण्यात घेईल. आजचा रविवार मोठ्या चौकार-षटकारांचा. सप्ताहात मृग नक्षत्राच्या व्यक्तींना मोठ्या प्रगतीच्या संधी प्राप्त होतील. रोहिणी नक्षत्राच्या व्यक्तींना ता. १७ व १८ हे दिवस विशिष्ट महत्त्वाच्या गाठीभेटींतून यश देतील. काहींचे वास्तुविषयक प्रश्न सुटतील. कृतिका नक्षत्राच्या व्यक्तींना ग्रहणयुक्त पौर्णिमेचे क्षेत्र भातृचिंतेचे. वाहनपीडा शक्य.
सरकारदरबारची कामं होतील
मिथुन : शुक्रभ्रमणाचा पौर्णिमेच्या प्रभावक्षेत्रात उत्तम प्रभाव राहील. पुनर्वसु नक्षत्राच्या व्यक्तींना पुत्रोत्कर्ष धन्यता देईल. ता. १७ व १९ हे दिवस वैयक्तिक सुवार्तांतून फ्लॅशन्यूजच देणारे. आर्द्रा नक्षत्राच्या व्यक्तींना सरकारी माध्यमातून यश. पती वा पत्नीचा आर्थिक भाग्योदय. मृग नक्षत्राच्या व्यक्तींना शुक्रवार मोठ्या आदरसत्कारातून थक्क करेल. प्रेमविवाह मार्गी लागतील.
कलाकारांना प्रसिद्धीची संधी
कर्क : शुभग्रहांची जबरदस्त स्पंदनं राहतील. आश्लेषा नक्षत्राच्या व्यक्ती त्यांचा पूर्ण लाभ घेतील. सप्ताहाची सुरवात विजयी चौकार-षटकारांची. पुनर्वसु नक्षत्राच्या व्यक्तींना ता. १८ व १९ हे दिवस मोठी भाग्यबीजं पेरतील. पुष्य नक्षत्राच्या व्यक्तींना सप्ताहाचा शेवट घरात हृद्य समारंभाचा. भावाबहिणींचे भाग्योदय. शनिवारची संकष्टी कलाकारांना प्रसिद्धीची.
जुन्या गुंतवणुकीवर चांगला लाभ
सिंह : राशींच्या एक्स्चेंजमध्ये आपला भाव चांगलाच वधारणार आहे. पूर्वा नक्षत्राच्या व्यक्तींना नोकरीत भाग्योदयाच्या संधी प्राप्त होतील. घरातील प्रिय व्यक्तींचे मोठे उत्कर्ष जल्लोष करतील. ता. २० व २१ हे दिवस मघा नक्षत्राच्या व्यक्तींना विजयी चौकार-षटकारांचे. व्यावसायिक क्षेत्रात मोठा धनवर्षाव. विशिष्ट जुन्या गुंतवणुकी मोठ्या फलद्रूप होतील. उत्तरा नक्षत्राच्या व्यक्तींना अपत्य लाभ. नोकरीत मानांकन.
तरुणांना चांगला कालखंड
कन्या : शुक्र-गुरुचा शुभयोग. पौर्णिमेच्या प्रभावक्षेत्रात उत्तम प्रभाव करेल. काहींचे प्रसिद्धियोग. सप्ताहारंभ घरात मोठा प्रसन्न राहील. हस्त नक्षत्राच्या व्यक्तींना ओळखीतून विवाहस्थळ येतील. ता. १९ चा गुरुवार तरुणांना शिक्षण, नोकरी आणि विवाह या त्रिघटकांतून क्लिक होणारा. ऑनलाइन राहाच. चित्रा नक्षत्राच्या व्यक्तींना सप्ताहारंभ वैवाहिक जीवनातून सुवार्तांतून प्रसन्न ठेवेल. वास्तुयोग आहेत.
व्यावसायिक उलाढाली वाढतील
तूळ : पौर्णिमेच्या प्रभावक्षेत्रात शुक्रभ्रमणाची एक विशिष्ट तारात्मक स्थिती. सप्ताहारंभी मोठी रंजक फळे देईल. उत्सव समारंभात आवर्जून भाग घ्याल. व्यावसायिक उलाढाली वाढतील. विशाखा नक्षत्राच्या व्यक्ती प्रकाशात येतील. ता. १७ ची अनंत चतुर्दशी वैयक्तिक आदरसत्काराची. चित्रा नक्षत्राच्या व्यक्तींना सप्ताहाचा शेवट वैवाहिक जीवनातून उत्तम साजरा होईल. प्रेमिकांना शुभलक्षणी. स्वाती नक्षत्राच्या व्यक्तींना खरेदीतून लाभ.
बॅंकांमधील काम होतील
वृश्चिक : पौर्णिमेच्या प्रभावक्षेत्रातील शुभग्रहांचे योग मस्त क्लिक होतील. तरुणांनी ऑनलाइन राहाच. ज्येष्ठा नक्षत्राच्या व्यक्तींना व्यावसायिक मोठे लाभ अपेक्षित आहेत. बँकांची कामे होतील. अनुराधा नक्षत्राच्या व्यक्तींना अनंत चतुर्दशीचा दिवस विशिष्ट गुप्तचिंता घालवेल. विशाखा नक्षत्राच्या व्यक्तींना ग्रहणयुक्त पौर्णिमा विशिष्ट संसर्गाची. गर्भवतींनी सांभाळावे.
नोकरीत वरिष्ठांची मर्जी राहील
धनु : शुक्रभ्रमण ग्रहांचा पट ताब्यात घेईल. सप्ताहाचा आरंभ आणि शेवट मोठी मजेदार फळे देईल. पूर्वाषाढा नक्षत्रास व्यावसायिक तेजी प्रसन्न ठेवेल. उत्सव, प्रदर्शने यशस्वी होतील. नोकरीत वरिष्ठांच्या मर्जीतून लाभ. मूळ नक्षत्राच्या व्यक्तींना सप्ताहाचा शेवट महत्त्वाच्या कामातून गतिमान राहील. उत्तराषाढा नक्षत्राच्या व्यक्तींना न्यायालयीन कामात यश मिळेल.
मानाचा किताब मिळवाल
मकर : सप्ताहाचा आरंभ आणि शेवट वैयक्तिक झगमगाट करणारा. होतकरू तरुणांचे भाग्योदय होतील. श्रवण नक्षत्राच्या व्यक्तींसाठी आजचा रविवार शुभग्रहांच्या लॉबीतून बोलेल. व्यावसायिक वसुली होईल. काहींचे विवाह ठरतील. धनिष्ठा नक्षत्राच्या व्यक्ती सप्ताहात विशिष्ट मानाचा किताब मिळवतील. उत्तराषाढा नक्षत्राच्या व्यक्तींनी ग्रहणयुक्त पौर्णिमेच्या प्रभावात वेंधळेपणा जपावा.
अकल्पित धनलाभ होईल
कुंभ : सप्ताहात खाण्यापिण्यातील पथ्ये पाळा. प्रवासात चीजवस्तू जपा. ता. १६ व १७ हे दिवस संमिश्र स्वरूपाची फळे देतील. सप्ताहाचा शेवट मोठी मजेशीर फळे देईल. धनिष्ठा नक्षत्राच्या व्यक्तींना अकल्पित असे धनलाभ होतील. वास्तुविषयक खरेदी-विक्रीतून लाभ होईल. पूर्वाभाद्रपदा नक्षत्राच्या व्यक्तींना न्यायालयीन प्रकरणात यश लाभेल. शततारका नक्षत्राच्या व्यक्तींना वसुलीतून लाभ.
परदेशात भाग्योदय होईल
मीन : सप्ताहारंभ मोठी अलौकिक फळे देईल. रेवती नक्षत्राच्या व्यक्तींना व्यावसायिक मोठी लॉटरी लागेल. आजचा रविवार मोठा शुभलक्षणी राहील. अकल्पित गाठीभेटी होतील. तरुणांना सप्ताहातील शुक्रभ्रमण ऑनलाइन क्लिक होईल. चॅटिंग करत राहा. उत्तराभाद्रपदा नक्षत्राच्या व्यक्तींनी ग्रहणयुक्त पौर्णिमेजवळ संसर्गजन्य बाधेपासून सावध. खरेदीत फसू नका. पूर्वाभाद्रपदा नक्षत्राच्या व्यक्तींचा परदेशी भाग्योदय होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.