Lata Mangeshkar: सांगलीतील नगरपालिका शाळा अन् लतादीदी

सांगली: भारतरत्न, गानकोकिळा लता मंगेशकर (Lata Mangeshkar) यांनी रविवारी अखेरचा श्‍वास घेतला. जागतिक ख्याती प्राप्त लतादिदींचे बालपण सांगलीत गेले. येथील स्टॅंड परिसरात त्यांचे घर होते तर मारुती चौकातील नगरपालिका शाळेत त्या शिकल्या. काही काळाने मंगेशकर कुटुंबिय सांगली (Sangli) सोडून गेले, मात्र लतादिदी हरिपूर (Haripur) येथील बागेतील गणपतीच्या दर्शनासाठी अधून-मधून येत होत्या. सन २००० साली महापालिकेने सुवर्णांकित प्रमाणपत्र देऊन त्यांचा गौरव केला होता. त्यांचे वडील मास्टर दीनानाथ (Deenanath Mangeshkar)यांच्या नावे येथे एका नाट्यगृह आहे. तेथे मास्टर दीनानाथ यांच्या पुतळ्याचे अनावरणही दिदींच्या हस्ते झाले होते. त्या सोहळ्यातील आणि अन्य काही आठवणीतील क्षणचित्रांचे संकलन केले आहे सांगलीचे छायाचित्रकार उल्हास देवकर , बातमीदार अजित झळके यांनी.