मंडणगडची वाटचाल आधुनिक शेतीकडे, यंत्राद्वारे भातशेतीची लागवड

कृषी क्षेत्रात मंडणगड तालुक्यात प्रथमच भात लावणी यंत्राचा वापर करून भात लागवड करण्यात आली. ही सुरुवात तालुक्याच्या कृषी क्षेत्रासाठी महत्वाची असून मनुष्यबळाची वानवा असणाऱ्या मंडणगडमध्ये शेतकऱ्यांना फायदेशीर ठरणारी आहे. तुळशी येथील शेतकरी राहुल देशमुख यांनी आपल्या दोन एकर क्षेत्रावरील शेतात याचे प्रात्यक्षिक घेतले. यासाठी कूबोटा कंपनी व तालुका कृषी विभागाने सहकार्य केले.