हुतात्मा दिनीच आधारवड हरपला; सीमावासियांनी एनडींना वाहिली श्रद्धांजली

ज्येष्ठ पुरोगामी विचारवंत, गेली सात दशकांहून अधिक काळ महाराष्ट्राच्या सामाजिक लढ्याचे नेतृत्व करणारे लढाऊ नेते प्रा. डॉ. एन. डी. पाटील (वय ९३) यांचे आज निधन झाले. प्रकृती अस्वास्थामुळे अकरा जानेवारीपासून येथील खासगी रूग्णालयात त्यांच्यावर उपचार सुरू होते. कालपासून त्यांची प्रकृती गंभीर बनली. आज दुपारी बाराच्या सुमारास त्यांची प्राणज्योत मालवली. निधनाची बातमी कळताच बेळगावसह सीमाभागात दुःखाचा डोंगर कोसळला आहे. बातमी कळताच अनेकजणांनी कोल्हापूरला रवाना झाले आहेत.