पाहा मंगळवेढा तालुक्‍यातील पौराणिक आणि ऐतिहासिक स्थळांचा नजारा !

ब्रह्मपुरी (सोलापूर) : मंगळवेढा (Mangalwedha, (Solapur) शहर व तालुका पवित्र संतांची भूमी असून सांगोला (Sangola), मोहोळ (Mohol), पंढरपूर (Pandharpur) व विजयपूर (Vijaypur) या तालुक्‍यांच्या तिठ्यावर वसलेला आहे. दुष्काळी तालुका म्हणून परिचित आहे पण त्याला पौराणिक (Mythological), ऐतिहासिक (Historical) आणि धार्मिक (Religious) अशा तिन्ही दृष्टिकोनातून मोठे महत्त्व आहे. संत दामाजीपंतांचे (Saint Damajipant) शहर असून ज्वारीचे कोठार (Sorghum) म्हणून प्रसिद्ध असताना तालुक्‍यातील तीर्थक्षेत्र असलेल्या माचणूर (Machnur) येथील कडेकपारीत निसर्गाच्या सान्निध्यात वसलेलं, धार्मिक असे हेमाडपंती श्री सिद्धेश्वर मंदिर (Siddheshwar Temple) असून, नदी पात्रात सुंदर देखणे असे श्री जटाशंकर मंदिर (Jatashankar Temple) आहे. माचणूर (ता. मंगळवेढा) येथील काही किलोमीटर अंतरावर तालुक्‍यातील अनेक आध्यात्मिक, ऐतिहासिक पर्यटन स्थळांची ख्याती असून, रमणीय ठिकाणे म्हणून भाविकांची व पर्यटकांची या ठिकाणी येण्याची ओढ असते.