Shiv Jayanti News : तुळजाभवानी मंदिरात शिवजयंती उत्साहात साजरी

तुळजापूर (जि.उस्मानाबाद) : तुळजाभवानी मंदिरात शिवजयंती शनिवारी (ता.१९) उत्साहात आणि परंपरेने साजरी करण्यात आली. तुळजाभवानी मंदिरात देवीच्या मुख्य गाभाऱ्यात तुळजाभवानी माता छत्रपती शिवाजी महाराजांना भवानी तलवार देतानाची पुजा बांधण्यात आली. तुळजाभवानी मातेच्या दोन्ही हातात चांदीची तलवार असून देवीच्या डोक्यावर रत्नजडीत मूकूट त्यावर छत्री पुजेच्या वेळी मांडण्यात आली होती.