Congress Lok Sabha Election: कॉंग्रेसतर्फे रावेरमधून 3, जळगावमधून 5 इच्छुक! लोकसभेच्या दोन्ही जागांसाठी तयारी

जळगाव : महाविकास आघाडीतील घटकपक्ष असलेल्या कॉंग्रेसतर्फे लोकसभेच्या निवडणुकांची तयारी सुरू झाली आहे.

पक्षाने राज्यातील सर्व ४८ लोकसभा मतदार संघातील इच्छुकांची नावे मागविली आहेत, जळगाव जिल्ह्यातील रावेर मतदार संघात तीन तर जळगाव मतदार संघात चार उमेदवार इच्छुक असल्याचे सांगण्यात आले आहेत. (3 aspirants from Raver 5 from Jalgaon Preparation for both Lok Sabha seats congress political news)

कॉंग्रेस महाविकास आघाडीच्या माध्यमातून राष्ट्रवादी कॉंग्रेस शरद पवार गट, शिवसेना ठाकरे गट यांच्यासोबत राज्यात लोकसभेच्या निवडणूका लढणार आहेत. तीन पक्षाचे जागा वाटप लवकरच होणार आहे.

मात्र तरीही कॉंग्रेस पक्षाने राज्यातील ४८ लोकसभा मतदार संघातील इच्छुकांची नावे मागविली आहेत. जिल्हाध्यक्षांनी दहा जानेवारीपर्यंत ही नावे मुंबई येथे प्रदेशाध्यक्षाकडे सूपूर्द करावयाची होती. जळगाव जिल्ह्यातील रावेर व जळगाव असे दोन लोकसभा मतदार संघ आहेत.

या दोन्ही मतदार संघातील इच्छुकांची नावे जिल्हाध्यक्षांनी दहा जानेवारीपर्यंत मागविली होती. त्यानुसार त्यांच्याकडे ही नावे प्राप्त झाली आहेत. प्रदेशाध्यक्ष प्रदीप पवार यांनी नावे मुंबई येथे प्रदेशाध्यक्षाकडे सूपूर्द केल्याचे सांगण्यात आले.

रावेर मधून तीन जण इच्छुक

रावेर लोकसभा मतदार संघातून कॉंग्रेसतर्फे तीन जण इच्छुक असल्याचे सांगण्यात आले आहे. यात माजी खासदार डॉ.उल्हास पाटील, रावेर येथील आमदार शिरीष चौधरी व माजी जिल्हाध्यक्ष चोपडा येथील ॲड.संदीप पाटील यांची तयारी असल्याचे सांगण्यात आले

जळगावमधून चार इच्छुक

जळगाव लोकसभा मतदार संघातून चार जण इच्छुक असल्याची माहिती प्राप्त झाली आहे. मात्र त्यापेक्षा अधिक जण असल्याचेही सांगण्यात आले आहे.

यात विद्यमान जिल्हाध्यक्ष प्रदीप पवार, महिला आघाडीच्या जिल्हाध्यक्ष चाळीसगाव येथील सुलोचना वाघ, ओबीसी आघाडीचे अमळनेर येथील डी.डी.पाटील व माजी जिल्हाध्यक्ष ॲड.सलीम पटेल यांची नावे असल्याचे सांगण्यात आले.

सर्वेत कॉंग्रेसला कल

जिल्हाध्यक्ष प्रदीप पवार यांनी सांगितले कि, जिल्ह्यातील दोन्ही लोकसभा मतदार संघाचा आम्ही सर्वे केला होता. त्यात कॉंग्रेसकडे जनतेचा अधिक कल असल्याचे दिसून आले त्यामुळे आम्ही महाविकास आघाडीत दोन्ही मतदार संघ आपल्याकडेच घ्यावे असे वरीष्ठांना सूचविले आहे.

त्यामुळे त्या दृष्टीने वरिष्ठस्तरावर विचार करण्यात येत असून महाविकास आघाडीत या दोन्ही जागा कॉंग्रेसकडेच असतील असा दावाही त्यांनी केला आहे.