Jalgaon Accident News : शहरापासून दोन किलोमीटर अंतरावरील नागदेवता मंदिराजवळ झालेल्या अपघातात ‘बोलेरो’ जीपमधील तीन जण ठार झाले. जामनेर शहराकडून पहूरकडे जाणाऱ्या कंटेनर आणि जीपमध्ये समोरासमोर ही धडक झाली.
जामनेर-टाकळी रस्त्यावर सोमवारी (१८) दुपारी चारच्या सुमारास हा अपघात झाल. मृत तिघेही संभाजीनगर जिल्ह्यातील गंगापूर येथील असल्याचे समजते. अद्याप मृतांच्या नावांची शहनिशा झाली नसल्याचे पोलिसांनी सांगितले. (3 killed in horrific accident on Jamner Takli road jalgaon news)
जामनेरकडून पहूरकडे भरधाव निघालेल्या कंटेनरने समोरून येत असलेल्या बोलेरो जीपला धडक दिली. या भीषण अपघातात शेख समीर शेख नजीर (वय २०), अल्लाउद्दीन गयासोद्दीन शेख (वय ४०, दोघे रा. बालानगर, ता. पैठण, जि. संभाजीनगर) आणि बोलेरो जीपचा चालक साजन जगन बडोले (वय २५, रा. खंडवा, मध्य प्रदेश) यांचा मृत्यू झाला.
तिघेही जामनेरकडून मध्य प्रदेशातील बऱ्हाणपूर-खंडव्याकडे जात होते. त्यांचा फळे विक्रीचा व्यवसाय असल्याचे सांगण्यात आले. अपघातानंतर कंटेनर (क्रमांक आरजे ३२, जीसी ०७८९) वरील चालक फरार झाला आहे.
घटनास्थळी गर्दी
ग्रामस्थांनी तातडीने धाव घेत दोघा मृतांसह गंभीर जखमीला उपजिल्हा रुग्णालयात आणले. अपघाताची माहिती मिळताच रुग्णवाहिकेचे चालक जालम राजपूत, गणेश चौधरी तत्काळ घटनास्थळी दाखल झाले.
पोलिस उपनिरीक्षक जी. एम. अहिरे, सचिन सानप आपल्या कर्मचाऱ्यांसह घटनास्थळी पोहोचले. रुग्णवाहिकेसह जालमसिंग राजपूत यांनी ग्रामस्थांच्या मदतीने वाहनातील दोघांचे मृतदेह व गंभीर जखमी असलेल्या एकाला तातडीने उपजिल्हा रुग्णालयात आणले. रुग्णालयात पोहोचेपर्यंत तिसऱ्या व्यक्तीचा मृत्यू झाला होता, असे सांगण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
