MSTC Jalgaon News : Smart Card साठी 31 मार्चची Deadline

वावडे (ता. अमळनेर) : पंच्चाहत्तर वर्षावरील ज्येष्ठ‎ नागरिक विविध योजनांतील‎ लाभार्थ्यांना मोफत तसेच ६०‎ वर्षावरील नागरिकांसह रुग्णांना‎ बसेसच्या प्रवास भाड्यात सवलत‎ मिळण्यासाठी स्मार्ट कार्ड आवश्यक‎ आहे.

मात्र, कार्ड काढण्यासाठी‎ तांत्रिक अडचणी येत असल्याने‎ शासनाकडून स्मार्टकार्ड‎ काढण्यासाठी ३१ मार्चपर्यंतची‎ योजनांतील देण्यात आली आहे.‎ त्यामुळे ज्यांना एसटी महामंडळाच्या‎ बसचा मोफत प्रवास सवलतीचा‎ प्रवास करण्याची मुभा आहे,‎ त्यांच्याकडे दोन महिन्याचा अवधी‎ असल्याचे समोर आले.‎‎‎‎‎‎‎‎‎‎‎ (31st March deadline for Smart Card State Transport Corporation Order Registration required for beneficiaries Jalgaon News)

राज्य परिवहन महामंडळातर्फे ज्येष्ठ नागरिक, तसेच विविध‎ सामाजिक घटकांना प्रवास प्रवास‎ भाड्यात सवलत देण्यासाठी शासनाने‎ एक जून २०१९ पासून स्मार्टकार्ड‎ योजना कार्यान्वित करण्यात आली‎ आहे.

या योजनेतून ज्येष्ठ नागरिक,‎ विविध सामाजिक पुरस्कार प्राप्त‎ व्यक्ती, विद्यार्थी तसेच रुग्णांना स्मार्ट‎कार्ड देण्यात येत आहेत. त्यासाठी‎ त्याची अगोदर नोंदणी करून घेण्यात‎ येत आहेत. महामंडळाने गैरप्रकाराला‎‎‎‎‎‎‎‎‎‎‎ आळा घालण्यासाठी या स्मार्टकार्ड‎ योजना सुरू केली आहे. त्यानुसार‎ प्रवाशांनी या योजनेचा लाभ घ्यावा,‎ अशी अपेक्षा आहे.‎

हेही वाचा : T+1 Settlement मुळे वाढेल शेअर बाजारातली उलाढाल

२९ घटकांना लाभ

महामंडळाच्या‎ बसेसमध्ये जिल्ह्यातील २९ प्रकारच्या‎ समाजघटकांना बसेस शंभर टक्के‎ तसेच २५, ५० आणि ७५ टक्के‎‎‎‎‎‎‎‎‎‎‎ सवलत देण्यात येते. यात‎ डॉ. बाबासाहेब आंबेडकर, साहित्यरत्न लोकशाहीर अण्णाभाऊ‎ साठे, संत गाडगेबाब व्यसनमुक्ती‎ पुरस्कार आणि अन्य पुरस्कार प्राप्त‎ व्यक्तींना व पत्रकार, लोकसभा‎, विधानसभा प्रतिनिधींना मोफत‎ प्रवास सुविधा आहे.‎‎

रिजार्च होत नसल्याची अडचण‎ विविध योजनेतून देण्यात येणाऱ्या सवलतीतून‎ अनेकांना स्मार्ट कार्डाचे वितरण करण्यात आले‎ आहेत. त्याचे नूतनीकरणही करण्यात आले‎ आहेत. मात्र, त्याचे रिचार्ज करण्यात तांत्रिक अडचण‎ निर्माण झाली. तसेच सर्व्हरची अडचण भेडसावत‎ असल्याने सध्या कार्ड वितरण बंद आहेत. ते लवकरात‎ लवकर सुरू व्हावेत, अशी प्रवाशांची अपेक्षा आहे.‎

आतापर्यंत चार वेळा मुदतवाढ

शासनाकडून‎ आतापर्यंत चार वेळा मुदतवाढ देण्यात आली आहे. आता पुन्हा ३१ मार्चपर्यंतची डेडलाइन दिली आहे. या काळात सर्वच लाभार्थीनी नोंदणी करून घेणे‎ आवश्यक आहे. त्यानंतर लाभार्थ्यांना मोफत बस प्रवास‎ करण्यास अडचणी निर्माण होऊ शकतात. त्यामुळे त्यांनी‎ स्मार्ट कार्ड काढून घेणे आवश्यक आहे.