Jalgaon Dengue Disease : तालुक्यात ४ जणांना डेंगी आणि अनेक बालकांना व्हायरल विषाणू तापाची लागण झाल्याने शहराचे आरोग्य बिघडले आहे. खुल्या भूखंडामध्ये मोठ्या प्रमाणात डबके आणि तळे साचल्याने डास, कीटकांचे प्रमाण वाढले आहे.
गेल्या पाच, सहा दिवसांपूर्वी पाऊस झाल्याने शहरात ढेकू रोड, पिंपळे रोड परिसरात अनेक ठिकाणी पालिकेचे खुले भूखंड, नागरिकांचे रिकामे प्लॉट यात पाणी साचून राहिलेले आहे.
(लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)
आधीच अशा रिकाम्या जागेत गवत, काँग्रेस गवत, लहान झुडुपे वाढल्याने साप, विषारी कीटकांची भीती पसरली आहे.
पाणी साचून राहिल्याने दुर्गंधी पसरली असून, नागरिकांचे आरोग्य धोक्यात आले आहे. तसेच पिंपळे रोडला स्वामी विवेकानंद नगरमध्ये भुयारी गटारीचे दूषित पाणी पिण्याच्या पाइपलाइनच्या व्हॉल्व्हच्या खड्ड्यामध्ये गेल्याने नागरिक संतप्त झाले होते. नळाला पाणी आल्यावर मोटारी लावताच व्हॉल्व मधून साचलेले पाणी शोषले जात असल्याने आरोग्यास धोका निर्माण झाला आहे.
"शहरात पिंपळे रोडवरील द्वारकानगरमध्ये ३१ वर्षाचे अधिकारी, ख्वाजानगरमधील ५ महिन्याची मुलगी, गजानननगर ११ वर्षांची मुलगी, टाकरखेडा येथे ९ वर्षांचा मुलगा यांना डेंगीची लागण झाली आहे. तर दोन रुग्ण बरे झाले आहेत." - डॉ. गिरीश गोसावी, तालुका वैद्यकीय अधिकारी, अमळनेर
"शहरात पालिकेने १९० घरांची तपासणी केली असून, ४७६ कंटेनर तपासण्यात आले आहेत. ५३ कंटेनरमध्ये डेंगी डासाच्या अळ्या आढळून आल्या." - डॉ. विलास महाजन, वैद्यकीय अधिकारी, नगरपालिका, अमळनेर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
