Jalgaon Municipality News : महापालिकेत 155 पैकी 79 कर्मचारी अनुकंपासाठी पात्र

Jalgaon Municipality News : जळगाव महापालिकेतील अनुकंपा तत्त्वावरील १५५ कर्मचाऱ्यांपैकी ७९ जण पात्र ठरणार असल्याचे सांगण्यात आले.

अनुकंपा तत्त्वावरील कर्मचारी भरतीचा आकृतिबंध करण्यात येत आहे. (79 out of 155 employees in municipal corporation are eligible for compassionate jalgaon news)

त्यानुसार कर्मचाऱ्यांचे वारसदार या यादीत असले, तरी त्यातील काही जण वयोमर्यादेमुळे कालबाह्य झाले आहेत. ११५ कर्मचाऱ्यांचे वारसदार सध्या प्रतीक्षा यादीत आहेत.

अनुकंपा तत्त्वावरील कर्मचाऱ्यांना नियुक्ती देताना सरकारी नियमांचे पालन करण्यात येत आहे. ज्या पदावर नियुक्ती द्यायची आहे, त्यातील अनेक पदे रिक्त आहेत. परंतु संबंधित उमेदवारांकडे आवश्यक असणारे शिक्षण आहे, तर पदे नाहीत.

त्यामुळे त्यांचा या पदासाठी विचार करता येत नाही. अनुकंपा तत्त्वावर नियुक्ती देताना अथवा सध्या काम करत असलेल्यांना पद्दोन्नती अथवा इतर लाभ देण्यासाठी असलेले नियमांनुसार प्राथमिकस्तरावर ७९ जण पात्र असल्याचे सांगण्यात आले.

अनुकंपावरील नियुक्ती देताना व दिलेली नियुक्ती कायम करताना कोणतीही कायदेशीर अडचण येणार नाही. सरकारी नियमांनुसार पात्र ठरत असेल, अशा प्रकरणांना अंतिम स्वरूप देण्याचे काम सुरू असल्याचे महापालिकेच्या अधिकाऱ्यांनी स्पष्ट केले.