Jalgaon Crime News : नामांकित फायनान्स कंपनीतून लोन मंजूर करून देतो, असे सांगून धरणगाव शहरातील एका व्यावसायिकाची ९ लाख १५ हजार ९८ रूपयांची ऑनलाईन फसवणूक केल्याची घटना मंगळवारी (ता. २६) समोर आली.
या प्रकरणी सायबर पोलीस ठाण्यात बनावट नावे सांगून मोबाईलवरुन गंडवणाऱ्यांविरूद्ध गुन्हा दाखल झाला आहे. (9 lakh fraud on lure of loan approval jalgaon crime news)
तक्रारदार, व्यापारी जीवनराम आनंदाराम कुमावत (वय ४२) हे धरणगाव येथे कुटुंबासह वास्तव्याला आहेत. गेल्या २७ मार्चपासून त्यांना त्यांच्या मोबाईलवर मिनाक्षी अग्रवाल, आलिया, रूही शर्मा, सुधीर सक्सेना अशा वेगवेगळ्या नावाने संपर्क करुन कर्ज प्रकरणासंबधी बोलणे झाले.
आम्ही देशातील नामांकित फायनान्स कंपनीतून लोन मिळवून देतो असे आमीष दाखवून त्या कंपनीसह अन्य कंपनीच्या पॉलीसी काढण्यास भाग पाडण्यात आले.
कुमावत यांनी विवीध कंपन्यांच्या पॉलिसी काढल्यावर आपल्याला कर्ज मंजुर होईल, अशी अपेक्षा होती. त्यानंतर २७ मार्च ते २६ सप्टेंबरपर्यंत त्यांच्याकडून ऑनलाईन पद्धतीने एकुण ९ लाख १५ हजार ९८ रूपये मागवून घेतले.
त्याच्या मोबदल्यात कोणत्याही प्रकारचे कर्ज मंजूर न करता फसवणूक झाल्याचे लक्षात येताच कुमावत यांनी जळगाव सायबर पेालिस ठाण्यात धाव घेतली. त्यांच्या तक्रारीवरुन सायबर पोलीसात गुन्हा दाखल झाला असून, पोलीस निरीक्षक लिलाधर कानडे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
