नांद्रा : वडिलांचे शिक्षण जेमतेम तिसरी...घरची परिस्थिती बेताची.. थोडीशी शेती व वडिलांचा रिक्षा व्यवसाय..यातूनच दोन मुलांचे शिक्षण एकास सोयगाव येथे एस.टी महामंडळाची नोकरी मिळाली तर लहान मुलगा मनोज पवार याने ‘फार्मसी’ करून ‘मास्टर डिग्री’साठी प्रयत्नरत असताना इन्स्टिट्यूट ऑफ केमिकल टेक्नॉलॉजी युनिव्हर्सिटी मांटुगा (मुंबई) विद्यापीठाततून फार्मास्युटिकल विषयात ‘डाॅक्टर ऑफ फिलाॅसाॅफी’ (पीएच.डी.) पदवी घेतली.
माहेजी येथील सर्वसामान्य कुटुंबातील मनोज पवार याची ही यशोगाथा आजच्या तरुण पिढीसाठी प्रेरणादायी आहे. (A rickshaw pullers son earned Phd degree jalgaon news)
माहेजी येथील रिक्षा व्यवसाय करणारे अशोक पवार (भावडू पवार) यांचा लहान मुलगा मनोज अशोक पवार याला माटुंगा (मंबई) येथे झालेल्या तेराव्या दीक्षांत समारंभात रसायन तंत्रज्ञान संस्थेच्या माध्यमातून फार्मास्युटिकल या विषयात डाॅक्टर ऑफ फिलाॅसाॅफी (पीएच.डी.) पदवी कुलगुरू प्रा. अनिरुद्ध पंडित यांच्या हस्ते प्रदान करण्यात आली.
या पीएच.डी. पदवीसाठी प्रा. प्रदीप वाविया यांचे मोलाचे मार्गदर्शन लाभले. मनोज हा लहानपणापासून अत्यंत हुशार असल्यामुळे आईचे व वडिलांचे स्वप्न पूर्ण करण्यासाठी जिद्द आणि चिकाटीनने शिक्षण पूर्ण करीत राहिला.
वडिलही आपल्या जेमतेम उत्पनातून मुलगा हुशार असल्यामुळे पैशासाठी कधीच कमी पडले नाही. माहेजी गावातून पहिला पीएचडी पदवी घेणारा विद्यार्थी मनोज पवार ठरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
