Anandacha Shidha: लाभार्थ्यांना आनंदाचा शिधाचे वाटप सुरू; 6 लाख 12 हजार 760 संच उपलब्ध

Anandacha Shidha : राज्य शासनाच्या सूचनेनुसार जिल्हा पुरवठा विभागाने जिल्ह्यातील सर्वच रेशन दुकानावर शंभर रुपयात आनंदाचा शिधा वाटप सुरू केले आहे. दिवाळीपूर्वी रेशनकार्डधारकांना शिधा मिळू लागल्याने यंदा गोरगरीब लाभार्थ्यांची दिवाळी गोड होणार आहे. जळगाव जिल्ह्यासाठी ६ लाख १२ हजार ७६० संच आले आहेत.

मैदा, पोहाही संचात

(anandacha shida 6 lakh 12 thousand 760 sets available in district jalgaon news)

सार्वजनिक वितरण व्यवस्थेतंर्गत अंत्योदय अन्न योजना व प्राधान्य कुटुंब योजना शिधापत्रिकाधारकांना दिवाळी सणानिमित्त एक किलो साखर, एक लिटर तेल, प्रत्येकी अर्धा किलो परिमाणात रवा, चनाडाळ, मैदा व पोहा असे सहा वस्तूंचा समाविष्ट असलेला ‘आनंदाचा शिधा’ हा संच १०० रूपये दरात ई-पॉस प्रणालीद्वारे वितरित करण्यात येत आहे.

प्रति शिधापत्रिका एक असे या संचाचे वाटप केले जात आहे. संबंधित रेशनकार्डधारकांनी लवकरात येऊन आनंदाचा शिधा संच घेऊन जावे असे आवाहन जळगाव शहर व ग्रामीण रेशनदुकानदार संघटनेचे अध्यक्ष नितीन सपके यांनी केले आहे.

तालुकानिहाय मंजूर संच

पारोळा ३० हजार १०५

पाचोरा ४५ हजार

चोपडा ४४ हजार ४४३

बोदवड १५ हजार १९५

धरणगाव २९ हजार ७१०

अमळनेर ४६ हजार ३०७

भडगाव २६ हजार ८८५

चाळीसगाव ६१ हजार ८३

जळगाव ८३ हजार ९८८

जामनेर ४७ हजार ५८२

मुक्ताईनगर १७ हजार ६६५

कुऱ्हा ९ हजार ४३५

यावल ३७ हजार २६५

एरंडोल २५ हजार ३६३

भुसावळ ३८ हजार ५००

रावेर ३५ हजार ४५२

सावदा १८ हजार ७८२

एकूण ६ लाख १२ हजार ७६०