चाळीसगाव : सहा महिन्यांत दामदुप्पट रक्कम करून देतो, असे सांगून चार लाखांत फसवणूक करणाऱ्या ठकसेनला येथील पोलिसांनी नागपूर येथून अटक केली. दरम्यान, त्याने येथील न्यायालयात जामिनासाठी अर्ज केला असता, न्यायालयाने तो फेटाळून लावला.
याबाबत माहिती अशी : उंबरखेडे (ता. चाळीसगाव) येथील पुंडलिक दौलत पाटील यांची नागपूर येथील संजय विठोबाजी उमाटे याने सहा महिन्यांत दामदुप्पट रक्कम करून देतो, असे सांगून चार लाख दोन हजार रुपये घेऊन फसवणूक केली होती. (Arrested for luring double Amount Jalgaon Crime News)
हेही वाचा : काय घडलं होतं उदयनराजेंच्या जलमंदिर पॅलेसमध्ये १९५२ साली??
त्यानंतर पुंडलिक पाटील यांनी दिलेल्या तक्रारीवरून चाळीसगाव शहर पोलिसांत गुन्हा दाखल करण्यात आला होता. या घटनेचा तपास करणारे पोलिस उपनिरीक्षक दीपक बिरारी यांनी फिर्यादी पुंडलिक पाटील यांना सोबत घेऊन नागपूर गाठले व तेथे जाऊन संशयित उमाटे याला अटक केली.
येथील न्यायालयात त्याला हजर केले असता, सुरवातीला न्यायालयाने २५ तारखेपर्यंत पोलिस कोठडी सुनावली होती. यादरम्यान, पोलिसांनी त्याच्याकडून एक लाख दोन हजार रुपये जप्त केले. त्याची पोलिस कोठडी संपल्यानंतर त्याला पुन्हा न्यायालयात हजर करून पोलिसांनी न्यायालयीन कोठडीची मागणी केली. न्यायालयाने ती मंजूर केल्यानंतर संशयित उमाटे याने जामिनासाठी अर्ज केला असता, न्यायालयाने तो नामंजूर केला. पुढील तपास पोलिस करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
