Jalgaon News : आशा, गटप्रवर्तकांना २ हजार रुपये भाऊबीज दिले जाईल, या आश्वासनानुसार शासकीय परिपत्रक न काढल्यामुळे १२ जानेवारीपासून राज्यातील साठ हजार आशा वर्कर व गटप्रवर्तक संपावर आहेत.
संपाला अकरा दिवस झाले तरीसुद्धा सरकारने या संपाची दखल घेतलेली नाही. (Asha group promoters protest in front of collectors office jalgaon news)
म्हणून सरकारने आशा, गटप्रवर्तक यांना दिलेल्या आश्वासनानुसार शासकीय जी.आर. काढावा व संप मिटवावा, या मागणीसाठी मंगळवारी (ता.२३) जिल्हाधिकारी कार्यालयासमोर जिल्ह्यातील आशा व गटप्रवर्तक संघटनेने निदर्शने केली.
जळगाव जिल्ह्यातील आशा व गट प्रवर्तक यांनी धरणे आंदोलन केले. कामगार नेते अमृत महाजन, मिनाक्षी सोनवणे, गटप्रवर्तक संघटनेच्या अध्यक्ष सुनीता ठाकरे यांनी नेतृत्व केले. आंदोलनात भुसावळ, चोपडा, जळगाव, यावल.
धरणगाव, चाळीसगाव तालुक्यांतील दोनशे आशा व गटप्रवर्तक यांनी सहभाग घेतला. आठ नोव्हेंबर २०२३ रोजी राज्य आरोग्य मंत्रालय व महाराष्ट्र शासनाने आशा व गटप्रवर्तक यांच्या मानधनांमध्ये वाढ देण्यासह जीएस वाय लाभार्थ्यांना ए.पी.एल., बी.पी.एल.भेद केला जाणार नाही, असे आश्‍वासन दिले होते.
गटप्रवर्तक यांना कंत्राटी कर्मचारी म्हणून महाराष्ट्र सरकार केंद्र सरकारकडे प्रस्ताव पाठविणार होते. तेही शासनाने केले नाही म्हणून आंदोलन सुरू असल्याचे यावेळी सांगण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
