Balgandharva Music Festival : ‘चित्रवेणू’ अविष्कार अन् शास्त्रीय संगीताची अनुभूती

जळगाव : चित्रवेणू वादकाची स्वत:ला चिकारीसारखी तारेची साथ देण्याची क्षमता तसेच मधुर, सूर आणि पाश्चात् संगीताच्या अनुभूतीसह बासरी, सिताराच्या शतताराचा संगम असलेल्या चित्रवेणूतून मिश्र भैरवी रागातील धून पंडित उदय शंकर यांनी सादर करत रसिकांना मंत्रमुग्ध केले.

शास्त्रीय-उपशास्त्रीय संगीतात कट्यार काळजात घुसलीमधील किरवानी रागातील ‘दिल की तपिष’, ‘रानी तेरो चिरजीयो’, ‘नामगाऊ नामध्याऊ’ या गाण्याने रसिकांची वाहवा मिळविली.(Bal Gandharva Festival Chitravenu invention and realization classical music Pandit Uday Shankar enchanted fans Jalgaon News)

हेही वाचा : द मिसिंग टाइल सिंड्रोम ठेवा आपल्यापासून दूर

बालगंधर्व संगीत महोत्सवाच्या दुसऱ्या दिवशी छत्रपती संभाजीराजे नाट्यमंदिरात लंडन येथील डाॕ. लिना परदेशी, कॕनडा येथील मोहन कोरान्ने, ‘समाजकल्याण’चे आयुक्त योगेश पाटील, जैन इरिगेशनचे व्हाइस प्रेसिडेंट (पर्सोनल) चंद्रकांत नाईक, केशवस्मृती प्रतिष्ठानचे अध्यक्ष भरत अमळकर, चांदोरकर प्रतिष्ठानचे अध्यक्ष डाॕ. विवेकानंद कुलकर्णी, उपाध्यक्ष दीपिका चांदोरकर यांच्या उपस्थितीत दोघंही सत्रातील कलावंतांचा सन्मान करण्यात आला.

द्वितीय दिनाची सुरुवात चित्रवेणू या नवीन वाद्यावर पंडित उदय शंकर यांनी सुरवातीला ‘राग यमन’मध्ये जोड, झाला अतिशय उत्तमरित्या सादर केला. हा राग मध्य लय रूपक या तालात निबद्ध होता व बंदिश द्रुत तीनतालात सादर केली. यानंतर मिश्र भैरवी रागातील धून वाजविली. पंडित उदय शंकर यांना तबला संगत मुंबईचे रामकृष्ण करंबेळकर केले.

पंडितजींशी प्रश्नोत्तराचे एक उत्तम सेशन झाले. यामध्ये मुलाखतीच्या रूपाने सुसंवादिनी दीप्ती भागवत यांनी बोलतं केलं. यात चित्रवेणू वाद्याविषयी सांगितले. बासरीच्या ध्वनी किंवा आवाजावर आणि वाऱ्याच्या यापूर्वी कधीही न वाजविले गेलेले भारतीय अभिजात संगीत वाजविण्याची क्षमता असलेले चित्रवेणू वाद्याची अनुभूती जळगावकरांना विश्लेषणासह घेतली.