Bawankule Jalgaon Daura : भाजप प्रदेशाध्यक्ष बावनकुळे उद्या जळगाव जिल्हा दौऱ्यावर

Bawankule Jalgaon Daura : भारतीय जनता पक्षाचे प्रदेशाध्यक्ष चंद्रशेखर बावनकुळे (Chandrasekhar Bawankule) यांचा उद्या (ता.२) होणारा दौरा एक दिवसाने पुढे ढकलण्यात आला आहे. सोमवार (ता. ३) रोजी ते जळगाव जिल्ह्यात येत आहेत. (bawankule jalgaon daura on 3 july jalgaon news)

‘हर घर मोदी’ या भारतीय जनता पक्षाच्या अभियांनातर्गत प्रत्येक जिल्ह्यात नेत्यांच्या भेटीही आयोजित करण्यात आल्या आहेत. त्याच अंतर्गत पक्षाचे प्रदेशाध्यक्ष चंद्रशेखर बाबनकुळे हे सोमवार (ता.३) पासून दोन दिवसाच्या जळगाव दौऱ्यावर येत आहेत.

त्याच्या समवेत प्रदेश संघटनमंत्री विजयराव चौधरी तसेच राज्याचे ग्रामविकास मंत्री गिरीश महाजन हे सुद्धा उपस्थित राहणार आहेत. प्रदेशाध्यक्ष बावनकुळे हे रविवार (ता.२) रोजी जळगाव जिल्हा दौऱ्यावर येणार होते, मात्र पक्षाची मुंबई येथे उपमुख्यमंत्री देवेंद्र फडणवीस यांच्या उपस्थितीत बैठक होत आहे, त्यामुळे हा दौरा एक दिवस पुढे ढकलण्यात आला असल्याची माहिती महानगरप्रमुख दीपक सूर्यवंशी यांनी दिली.

हेही वाचा : Credit Card फसवणूक....काय घ्याल काळजी?

श्री. बावनकुळे सोमवार (ता.३) रोजी जामनेर येथे प्रथम येतील. त्या ठिकाणी पक्षाची बैठक होईल. त्यानंतर बोदवड, मुक्ताईनगर येथेही बैठक होईल. सायंकाळी पाच वाजता ते जळगावात येतील. पिंप्राळा येथे त्यांची जाहीर सभा होईल.

यावेळी राज्याचे ग्रामविकास मंत्री गिरीश महाजन, प्रदेश संघटनमंत्री विजयराव चौधरी उपस्थित राहतील. श्री. बावनकुळे यांचा मंगळवार (ता.४) रोजी एरंडोल, पारोळा असा दौरा असेल.