Special Train : प्रवाशांची अतिरिक्त गर्दी लक्षात घेऊन रेल्वेने अमरावती- पुणे, बडनेरा- नाशिकदरम्यान उत्सव विशेष ट्रेन चालविण्याचा निर्णय घेतला आहे. या ट्रेन ५ नोव्हेंबरपासून सुरू होतील. (Between Amravati Pune Badnera Nashik Railway will run 36 Utsav special trains news)
अमरावती- पुणे विशेष (४ अप आणि ४ डाउन एकूण ८ सेवा) गाडी क्रमांक ०१२०९ विशेष अमरावती येथून ५ ते १९ नोव्हेबरपर्यंत दर रविवारी, बुधवारी १२.४० ला सुटेल. पुणे येथे दुसऱ्या दिवशी पावणेतीनला पोचेल.
गाडी क्रमांक ०१२१० विशेष पुणे येथून ६ ते २० नोव्हेबरपर्यंत दर गुरुवार, सोमवारी साडेसहाला सुटेल. अमरावती येथे त्याच दिवशी रात्री आठला पोचेल.
थांबे : अमरावती, बडनेरा, अकोला, मलकापूर, भुसावळ, जळगाव, मनमाड, कोपरगाव, अहमदनगर, दौंड कॉर्डलाइन, उरुळी, हडपसर, पुणे.
बडनेरा ते नाशिक विशेष (१४ अप आणि १४ डाउन एकूण २८ सेवा) गाडी क्रमांक ०१२११ विशेष बडनेरा येथून ६ ते १९ नोव्हेंबरपर्यंत दररोज ११ ला सुटेल. नाशिक येथे त्याच दिवशी सायंकाळी पावणेआठला पोचेल.
गाडी क्रमांक ०१२१२ विशेष नाशिक येथून ६ ते ११ नोव्हेंबरदरम्यान दररोज रात्री सव्वानऊला सुटेल. बडनेरा येथे दुसऱ्या दिवशी साडेचारला पोहोचेल. या गाडीला बडनेरा, मूर्तिजापूर, अकोला, शेगाव, नांदुरा, मलकापूर, भुसावळ, जळगाव, पाचोरा, चाळीसगाव, नांदगाव, मनमाड, लासलगाव, निफाड, नाशिक असे थांबे असतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
